Bessenyei József: Diósgyőr vára és uradalma a XVI. században - források - Tanulmányok Diósgyőr történetéhez 2. (Miskolc, 1997)
Bevezetés
Alia [protestatio] eiusdem magnifici domini Joannis Balassa de Giarmath contra generosam et magnificam dominam Barbaram Fanczy relictam condam Sigismundi Balassa de Giarmath etc. Nos capitulum ecclesiae Posoniensis memoriae commendamus per praesentes, quod magnificus dominus Joannes Balassa de Gyarmath comes comitatus Zoliensis et suppremus sacrae Caesareae maiestatis capitaneus in montanis coram nobis personaliter constitutus, per modum protestacionis et inhibitionis nobis stare curavit in hunc modum, quod magnificus olim Sigismundus Balassa de dicta Gyarmath, anno superiore in lecto egritudinis decumbens, ut ex relacionibus aliorum ipse protestáns percepisset, quandam testamentariam fecisset dispositionem, formidaret tamen, idem protestáns, ne illud testamentum praefati magnifici domini Sigismundi Balassa, contra jura regni in ipsius protestan- tis fratrumque et heredum suorum infuturum quoquo modo cederet praejudicium jurisque eorundem derogamen manifestum, qua hujusmodi protestatione facta generosam et magnificam dominam Barbaram Fanczy, ejusdem condam Sigismundi Balassa relictam et alios executores ab exemcione et dispositione, serenissimum principem et dominum, dominum Ferdinandum divina favente clementia electum Romanorum imperatorem semper augustum, ac Germanie, Hungarie et Bohemie etc. regem, infantem Hispaniarum, archiducem Austriae etc. dominum nostrum cle- mentissimum, suaeque maiestatis successorem a confirmatione, judices regni ordinarii prothonotariique eorundem, capitula praeterea et conventus ac alia quaelibet loca credibilia literarum su- perinde extradacione et emanari factione quomodolibet jam factis vel fiendis contradixit inhibendum et inhibuit contradicendum palam, publice et manifeste coram nobis harum nostrarum vigore et testimonio litterarum mediante. Datum feria tertia proxima post dominicam Cantate, anno Domini millesimo quingentesimo sexagesimo. 26
