Balogh Judit - Dienes Dénes - Szabadi István: Rákóczi-iratok a Sárospataki Református Kollégium Levéltárában 1607-1710 - Acta Patakina 1. (1999)
40. Lipót császár és király levele Báthory Zsófiához és az erdélyi rendekhez a sárospataki lelkészi jövedelmek felől támadt vitás kérdésben. Bécs, 1666. február 14. és 18.
40 $ Lipót császár és király levele Báthory Zsófiához és az erdélyi rendekhez a sárospataki lelkészi jövedelmek felől támadt vitás kérdésben. Bécs, 1666. február 14. és 18. * Literae Leopoldi Romani Imperatoris ad Helenam,1 Georgii Ragotzii II. Principis Transylvaniae viduam de negotio Patak. Agentes. 1666. Illustrissima Principissa, Amica nobis honoranda! Acceptis sinceritatis vestrae Literis, d.29. mensis Novembris Anni proxime praeteriti ad nos datis, ea quae nobis in iis circa negotium illud Patakiense denuo perscribenda habuit, benigne intelleximus. Cum itaque illud negotium (quemadmodum ex demissa etiam adversae partis informatione, et ipsius quoque comitis Palatini desuper facta expositione manifestum evaderet) nec dum finem suum sortiri potuerit, ad evitandas ulteriores, quae inde oriri possent difficultates, omnino expediens fore indicavimus, quo tam eadem pars adversa proventus illos, quos in specie ac etiam per transumptum vere Parochiales agnosceret, a personalibus separando Maiestati nostrae liquidatos et consignatos una cum documentis, aliisque instrumentis, superinde habitis transmittat, quam sinceritati vestrae, in quantum eiusmodi Parochiales personalibus etiam mixtos esse adverteret, liquidando, et sequestrando, oblata cum restitutione, denominet. Quo circa sinceritatem vestram etiam num benigne requirendam, et simul hortandam duximus esse, clementer cupientes, ut se se benignae huic resolutioni, et accomodationi nostrae haud gravatim accomodare velit, quo et nos demum productis, et liquidatis coram a vobis praemissis, id, quod communi iustitiae et aequitati consentaneum esse videbitur, facere, ac determinare valeamus. De reliquo autem sinceritatem vestram bona frui valetudine exoptamus. Viennae, die 14ta Mensis Februarii. Anno 1666. Leopoldus * Literae Leopoldi Romani Imperatoris ad ordines Transylvaniae, negotium Patakiense attinentes, 1666. 1 Valószínűleg a másoló tollliibája. Az irat Báthory Zsófiát illette. 134
