Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 2. (Budae, 1830.)
nis, vocante Domino, sint ingrcssae, et a multis temporibus retroactis, ad dictum claustrum religiosae Dominae eiusdem ordinis redire neglexerint, possessionesque ad ipsum claustrum pertinentes, in territorio eiusdem ciuitatis Posoniensis existentes , sine Dominio alicuius, fere a spacio viginti annorum , et supra , permanserint , nec fratres eiusdem ordinis Cistercien. a Ciuibus Posonien. saepius ammoniti et rogati alias sorores seu moniales eiusdem ordinis infra tantum spacium temporis in locum defunctarum subrogare seu substituere voluerint , praefataeque possessiones ab eis vtpote derelictae remanserint , et pleno iure ' ad nostras sint manus totaliter deuolutaej nos cupientes animae nostrae remedio salubriter consulere, jn hac parte easdem possessiones cum suis pertinentiis , quas eaedem Dominae religiosae Ordinis Cistercien. antiquitus possidebant, religiosis Dominabus, Monialibus Ordinis Sanctae Clarae Yirginis, quas Minister Ordinis Fratrum minorum in ciuitate Posonien. de consilio et permissione ciuiurn Posoniensium in curia, seu fundo ab ipsis ciuibus praedictisDominabus collato locauit, seu instituit, cuin ea, quae religiosa sunt, ad seculares vsus conuerti, vel redire non debeant, duximus conferendas, et pacifice, ac perpetuo possidendas. In cuius rei memoriam, perpetuamque firmitatem praesentes concessimus lilteras, dupplicis sigilli nostri munimine roboratas. Datum per manus discreti viri, Magistri Gregorii, Albensis Ecclesiae electi, aulae nostrae Vice-Cancellarii, dilecti et fidelis nostri. Anno Domini Millesimo, ducentesimo, nonagesimo, septimo. VII. Kalendas Nouembris , regni autem nostri anno octauo."