Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
er Jn darumb gegeben hat schuldig warden ist, allenthalbm mit beder Barthey wissenn Vnd willenn veraint vnd ain sölhen vertrag gemacht, Das man den Weingarten Zu Medbisch mit Gewissen Zu trewer hannd Lesen <vnd den wein> Nider legen vnnd verkauffen sol, vnnd als dann das werait geht denn Juden Raichen, vnd was allso di Juden werait gellt an dem wein EinNemen, sol alsdann an den hundert gulden der HaubtSüma herab gen vnd abczogen werden, Vnnd sol der drescher czu der haubtsuma geldes was er den Juden schuldig sein windet tëg habm biz auf den nagstkhünftigen sand Görigentag [1495.04.24.), Vnnd Jn Mitlerczeit sol der Drescher sein haws oder Weingarten verkhauffen vnd di Juden dauon ires haubtguts weczallen Beschäch aber das nicht vnd der drescher sölhm nicht nachgen wurde, wie das war, So mögen alsdann <di Juden> Zu irm schuldbrief sten vnnd sich des halden in aller gestallt vnd mass, wes sich dann der Drescher gen Jn verschriben vnd verphfennt hat Actum an Freitag vor Natiuitatis gloriosissime virginis marie Anno etc. 94-0 (1494.09.05.) 48. 1494 September 12 Hans Zemper und der Benefiziat Paul treffen vor dem Stadtrat eine Abmachung über einen Weingarten / Zemper János és Pál beneficiátus a tanács előtt megegyeznek egy szőlőskert ügyében Jtem Czemper hanns vnnd her Paul der des Malczer stifft Jnnen hat habm sich vor meinen herrenn vertragen, Das sy den Weingarten in der Wysen gelegen X Jar miteinander habm vnd pawn sullen <und> sol her Paul all mess so darauf gestifft seinen ausrichten Vnd so her Paul das Beneficium resignirn wurd, Sol er den Weingarten in guten paw dem czemper Hannsen Jn aller als er den von Jm Enphangen hat widerumb einantburten Actum an Freitag < nach> [vor] Natiuitatis marie Anno etc. 94-o (1494.09.12.) [26] 49. 1495 Mai 20 Michael Neitperger kauft vom Stadtrat eine Wiese / Neitperger Mihály a tanácstól rétet vásárol Michel Neitperger hat von mein Herrenn ainen wysflekch bei Kholnnhof an der aw gelegen der Ettwann Zu der Gräfin haws gehört hat, westannden, Also das er dar czu, die Erssten czwai Jar Freyung habm sol. Vnnd darnnach wann sölh freyung aus ist, Sol er Jerlich als Lang er den wisflekch habm wil da von V sol. den. dienn, vnnd Sol auch daüon als lanng er dabei Beleibem wil daüon vngedrüngen sein Actum mitichen vor helene Anno domini etc. LXXXXV-to (1495.05.20.) [27; 28] 50. 1495 Juli 10 Der Ratsbürger Michael Schottel und Martin Koch, sein Schwager, treffen vor dem Stadtrat eine Vereinbarung über das Testament des verstorbenen Kaspar Schottel / Schottel Mihály belső tanácsos és sógota, Koch Márton a tanács előtt megegyeznek néhai Schottel Gáspár végrendeletét illetően Anno domini millesimo quadringentesimo Nonagesimoquinto an Freitag nagst nach sannd Khilianstag (1495.07.10.) habm mein herrnn aintrechtigklich, den Ersamen weisen Michaeln Schottel auch die czeit des Rats an aim Vnnd merten Khoch seinen Schwager am andern tail mit irm wissen vnd willen auf ir vleissigs gebet veraint verricht vnd vertragen in
