Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
item An bestimbten freitag vor oculi in anno quo Supra (1529.02.26.) ist Her wolfgang Wetzer dem michel döldl auf sein vnd der nächsten freundt [vnd] begeren durch ainen ersamen Rat Zumb gerhaben furgesetzt worden. Darauf er den khnaben in sein Cur genomen mitsambt desselben farunden Vnd ligunden guetern auf guet Raittung Vermergkht des michel döldl gueter, so her wolfgangen eingeben worden auf raittung etc. item Ain Hauss in der schrippergass, ain weingarten im sachsgrundt, ain Weingarten im .n. Ain Weingarten im Durlass, ain Halbs Weingartl auf den Sporn stainn. Ain sechtzehentail weingarten in der Aw gelegen. Ain melchkhue, II tal. vnd VII sol. den. bargelt Vnd XIIII emer wein, derselben hat man den Wein vmb acht vnd X den. geleiggebt 373. 1530 März 11 Schulden des Wiener Neustädter Bürgers Hans Schirwaiger nach seinem Haus und Grundstück in Mörbisch / Schirwaiger János, bécsújhelyi polgár adósságai meggyesi háza és földje után Hanns schirwaiger ausstanndt Zu gemainer stat anschnidt Vnd Jarszins vnd gemainem aigen mediasch 1530 An Heut, den freitag vor Reminiscere im 30ten Jare (1530.03.11.) sein erschinen Die von medwisch vnd hanns schirwager, burger Zu der neustat, vor ainem ersamen Rat von wegen der ausstanndt, so gedachter schirwaiger von seinem Hauß vnd grundten Zu medwisch gelegen, ettlich Jarlanng gemainer stat Vnd dem aigen medwisch Zutun ist schuldig worden. Wäre gemelter schirwaiger gemainer stat bei funfftzehen Jar lang, den kunigklichen anschnidt Jarlich ainen gulden. Vnd ettlich Jarlang die stat dinst vnd Zins, Jerlich I tal. den., <schuldig>. Fur dießn austandigen anschnidt <vnd> dinst Der stat Vnd dem aigen medwisch haben di Herren 10 tal. den. vom schirwaiger emphangen, Jme den Vbertail nachgelassen, Vnd den von medwisch VI tal. den. fur Jr anständt Zuegestellt. Vnd ist also der [276] <1530> Schirwaiger gemainer stat Vnd Jren Hindersassen Hintz auf Heutigen tage nichts mer schuldig. Beschehen auf dem Rathaus Zu odennbürg Anno et die quibus Supra 374. Nachlaß des Georg Eisner / Eisner György hagyatéka 1530 Georg eisners gelassen hab vnd gueter, Vnd was damit gehandelt ist worden 374.1. Hernach sein verschriben vnd aufs kurtzist weilend georgen eisners, burger Zu Ödenburg, haus, hof vnd ander sein anligund verlassen hab vnd gueter Zu Ödenburg im purgkhfrid vnd an denselben grundten gelegen item Gemelter eisner hat hindter sein verlassen Zwai vngeuogt kinder, mit Nomen georg vnd vrsula, die er bei frauen elisabethen, seiner eelichen hausfrauen, so yetzund petern vischer, burger Zu der Neustat, vermählt ist worden, erzeugt, denselben Zwaien kindern volgen die merern des georg eisner, Jres vater, Ligunde gueter nach, wie hernachuolgt Ledid vnd frei
