Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
163. 1504 November 29 Der Stadtrat befriedigt die Verwandten des vetstorbenen Hans Birnbaum aus dessen Vermögen / A tanács az elhalt Birnbaum János rokonságát kielégíti az elhunyt vagyonából 1504 Jtem Am Freitag Sand Andres Abennt des heyling Zweifboten {1504.11.29.) habenn die herrenn des Rats die nëgsten gesyppten Frewnndt des Hanns pierpawm seligen Von seinem Verlassenn guet gennczigklich begnüegt, Also das dieselbenn Frewnndt, Nemlich peter pierpawm Von Herzogpierpawm, Brigida, sein Swester, khawffman perenhardt von Gürm, Wiritzs Steffel von WaresDorff, an Stat seiner hawsfrawen, Barbare, Vnd Jacob Gewser von WanndorfT, auch an Stat seiner hawsfrawe, Dorothée, Vnd all Jr Erbenn fürbas Khainerley Zuespruch noch anuodrung Zu Gemeiner Stat habenn sullen, Jn Khainerley weis Trewlich vnd vngeüerlich. Vnd Zu gedechtnüss [Jst] Vnd Quittumb Jst es Jn das [gedechtnüss] gedennkhpüech geschriben. Actum die et Anno Vtsupra. Tempore Georgy pawngartner MagistroCiuium et Valentini Swingenhamer Judicis 164. 1505 Januar 17 Der Benefiziat Wolfgang Wimpassinger überläßt wegen seiner Krankheit mit Genehmigung des Stadttates sein Benefizium dem Gesellpriester Hans, damit dieser ihn weiterhin unterhalte / Wimpassinger Farkas beneficiátus a tanács hozzájárulásával betegsége miatt javadalmát János hitszónoknak engedi át, hogy utóbbi a továbbiakban eltartsa őt Anno . 1.5.0.5-to Am Freitag Sand Anthony tag {Ol. 17.) Seinn für die herrenn des Rats körnen die Erwirdigenn herrenn herr wolfganng Wynntpassinger, <ain Beneficiat>, Vnd herr Hanns, diezeit ein prediger gesell alhie, Vnd sagtenn, Nach dem herr wolfganng etwas Lanngezeit khrannkh gewesen, Sich vasst verZert Vnd noch Swach vnd allt wer vnd seiner phründt nit nützlich fürbas vor mëcht seinn, hietenn Sy sich vertragenn, Soüerr es der herrenn als der lehenherrenn willen vnd gunst wer, Wollt bedachter herr wolfganng dem benanten herren Hannsenn sein Beneficium resignieren vnd vbergeben, mit allem, so er dabey hat, wein, Weingarten vnd anderem Vngeüerlich Vnd her Hanns soll Jn sein lëbtag bey Jm mit Speis vnd ander notdurfft, Jnnhald Jerer abred, bruederlich vnd Erberlich haldenn. Auch Hat Sich her hanns vor den herrenn verwilligt, alles, was er darzu bring, auch dabey Zu lassenn. Aber nach dem Gemeinschafft Zu Zeyten Zwitracht macht, habenn die herrenn Zwischen Jn peidenn ainen tag geseczt auff Sannd Lorennczen tag nagstkunftig {1505.08.10.), sich beieinander Zuuersuhenn Vnd her Hanns soll Jn mytt der Zeyt Zu der Wirdtschafft sehen vnd die Weingarten bawen lassen. Mügen Sy sich weiter beieinander vertragenn, So werd her Hanns an Zweiuel vmb das Beneficium bey denn herrenn guten willen vinden. Mügen Sy sich aber nit vertragen, So soll her Hannsen vmb sein müe vnd vmb die Weingartarbeit ein begnüegen beschehenn. Solhs habenn Sy beid Zu beschehen vor den herren aneinander gelobt Vnd auch den herrenn darumb vergriffenn. Actum die Et Anno vtsupra [97]
