Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

Zeytten, kain ansprach, vordrung oder gerechtigkayt Zue herr hannsen Maler oder seinen Nachkhomen solhen vbergeben tayls hawß halben nit haben sollen noch mögen. Sy sollen auch hinfüro guet freundt sein Vnd Aller Vnwill, so sich deshalben Zwyschen Jnn Verloffen hott, ganncz tod vnd Absein. Des Zugedechtnus ist solhs hierjnn Vermergkt Vnd Auffgeschriben Worden. Actum Mittichen Nach Jnuocauit Anno etc. 151 l-o {03.12.). Tempore Jacobi Subenpurger Magistriciuium et Petri Vleyschhagker Judicis. item Do entgögen hatt her hanns, der maier, Zu ainer Widerleg meiner heren Awsgegeben gelts, Den heren vnd gemainer Statt Das hawß peym hinderen thor, Jn der silbergassen, darjnn der hanns wyser Ytzo Wonhafft ist, Vnd er XV tal. den. darauff gehapt, hatt ganncz haimgesagt Vnd gefreyt, mit Der beschaydenhait, ob hinfüro payder solher hewser halb prieff oder schrifftlich Vrkundt herfurkeme, Wyder solh Zuaygen vnd freyung Lawtendt, das solh hiewyder gancz Crafftloß, tod vnd Absein sollen, trewlich, on AI geuerdt. Actum Die et Anno Vtsupra item Ob ain prieff Von Wolffgang Lysten, lawtendt vmb halben tayl des obbestimpten hawß, so herr hannsen maler benefitio Zugeaignet ist, herrfürkeme, soll derselb prieff tod, Ab vnd Crafftloß sein Vnd her hansen oder sein Nachkhomen kain schaden pringen. Actum die et Anno vtsupra [133] 224. 1511 April 2 Der Stadtrat regelt die Bewirtschaftung des Vetmögens des unmündigen Sohnes und der unmündigen Tochter des verstorbenen Hans Zirkendorfer / A tanács rendezi Zirkendorfer János kiskorú fia és kiskorú lánya vagyonának a kezelését Zirgkndorffers Kinder guter Zewissen, Das mein heren des Rats alhie Jn peysein des pfarers Von pranberg, As vorgeer Weylund hannsen Czirkendorffers gelasenn Sun, Auch mit desselben wissen Vnd willen herenn Barthlome Doliäsch Die Weingarten, «eitern sein hie die Weingart benentlich, Von Erst Jn der wysen V [Virtel] Achtel, item Auff der laimbgrueb 1/2 Weingarten, item Auff der hayt 1 virtel, AI Zu medwisch, iten Jn der Clausen 1 virtel>, so in der taylung dem selben knaben vnd der Jungern seiner Swöster gefallen, von hewt dato siben ganneze Jar Lanng Eingeben, Dieselben den bestimpten Zwayen kinderen Vor Zuhallten, Zu pesseren vnd Zupawen, Vnd nach verscheinung solher Syben Jar soll er den kinderen oder Jren erbenn sölh Weingartten in guetem paw Wyderumen Zuhannden Zustöllen on Ales waygeren vnd Awszuge. Darauff hatt bestimpter herr Barthlome Von dem pfarrer Von pranberg empfangenn Zwelff pfundt pfennig bars gelts, mit der beschaydenhait, Das Er Auff nohstkünfftigen Sannt Elßbethen tag {1511.11.19.) Jme sölh XII tal. den. Wyderumen raychen Vnd beczalen soll. [S] Es soll Auch herr Bartlome Den tayl gelts des dirnlins Von den Weinen, so dem Thonrädlin Verkawfft sein, annemen vnd empfahenn, Vnd nach Verscheynung der Siben Jar mit sampt den Weingarten dem dirnlein Widerumen beczalen. Wer Aber Sach, Das dem dirnlin hie Zwyschen An Ainem Klaydlin oder sonnst was nott sein Wurde, So sol Er Auch darstregken Vnnd was er daruon Awsgibt, An sölhem gelt, Soll Jme Zu Zeyt der Annderen beezalung Abgeen. Actum Am Achtisten tag der Verkundung Marie Anno domini 1511-0 {04.02.). Tempore Jacobi Subenpurger Magistriciuium et Vleyschagker petri Judicis. Verte folium, vide Signum o /- oo.