Circulares litterae dioecesanae anno 1936. ad clerum archidioecesis strigoniensis dimissae
III.
Nr. 852 Indulgentiae ad Sacri Aeris pulsum Fer. VI. lucrandae. i ] 1 ] ( ] ] ( . < j Ut ineffabilis caritatis D. N. Iesu Christi, pro redemptione humani generis in Cruce morientis, jugis inter fideles memoria perseveraret et fructus, jam inde ab anno 1740. Summus Pontifex Benedictus XIV. s. r., per Apostolicas Litteras in forma brevi die 13. mensis decembris datas, partialem centum dierum indulgentiam iis largitus est, qui singulis sextis feriis, hora tertia post meridiem ad sacri aeris pulsum hunc in effectum ab eo imperatum, quinquies Pater et Ave, ad mentem Sanctitatis Suae orantes, recitavissent. Hanc vero benignam concessionem Ssmus D. N. Pius Pp. XI. feliciter regnans per Decretum Sacrae Poenitentiariae die 30. mensis januarii 1933. signatum, adjecta insuper ad Summi Pontificis mentem precatiuncula „Adoramus te, Christe, et benedicimus Tibi, quia per sanctam Crucem tuam redemisti mundum“ vel alia hujusmodi, notabiliter auctam, ita confirmavit, ut praescriptae preces recitari possent ad sacri aeris pulsum alia etiam diei hora secundum diversam in diversa loca invectam consuetudinem. Quaesitum igitur nunc est utrum ad indulgentias lucrandas necessarius omnino sit Campanae sonus. Ad quae, re mature discussa, Sacra Poenitentiaria respondendum censuit: Firma statuta indulgentia pro recitantibus feria VI. supra indicatas preces ad sacri aeris sonum in memoriam agoniae et mortis I). N. Iesu Christi, eadem indulgentia lucrifieri potest etiam in locis, ubi hujusmodi sonus in more non sit, easdem preces recitando aut primis horis post meridiem, in quas quidem incidit, juxta veterem horarum diei computationem, hora nona, circa quam, ut Sancti Evangélistáé testantur, fesus Christus in Cruce emisit spiritum, aut alia hora, qua, secundum diversorum locorum consuetudinem, solet dicta commemoratio fieri: facto verbo cum Ssmo. Quam quidem sententiam Sibi relatam idem Ssmus D. N. in audientia infrascripto Cardinali Maiori Poenitentiario die 14. huius mensis impertita, benigne confirmare et omnibus ratam habere dignatus est, eamque, quo solet modo, publici iuris fieri iussit. Datum Romae, ex Sacra Poenitentiaria Ap., die 28. Decembris 11)35. L. Card. Lauri, m. p. Poenitentiarius Major, S. Luzio, m. p., Regens. L. j- S. Strigonii, die 17. Martii 1936. Ssmus Dominus Noster Pius divina Providentia Papa XI., in Audientia infrascripto Cardinali Sacrae Congregationis de Propaganda Fide Praefecto die 5. Decembris 1935. concessa, declaravit privilegium anticipandi a meridie recitationem Matutini cum Laudibus diei sequentis in favorem Piae Unionis Cleri a Missionibus iuxta rescriptum Sacrae Congregationis de Propaganda Fide sub die 2. Decembris 1921. datum (cf. Acta Apóst. Sedis, 1921. p. 565.) valere pro omnibus, qui sacrum officium recitare tenentur. Datum Romae, ex aedibus Sacrae Congregationis de Propaganda Fide, die 6. Decembris 1935. P. Card. Fumasoni-Biondi, Praefectus. — L. S. Ad mentem ergo huius declarationis non solum sacerdotes, sed etiam diaconi et sub- diaconi favore gaudent, de quo supra decisum est. Strigonii, die 23. Martii 1936. A tavaszi bérmálások sorrendjét a következőkép állapítom meg: Május 31. Esztergom. Június 1. Angyalföld, Lőportárdülő. Nr. 886. Declaratio privilegii pro sodalibus Piae Unionis cleri a missionibus. 423. sz. A tavaszi bérmálások rendje. 3