AZ ORSZÁGOS SZÉCHÉNYI KÖNYVTÁR ÉVKÖNYVE 1991-1993. Budapest (1997)

III. Könyvtörténeti és művelődéstörténeti tanulmányok - Borsa Gedeon: Korabeli tudósítások Nürnbergben az 1514. évi magyarországi parasztháborúról

gut erobert, den platz vor dem schlos, so er nit gewinnen mögen, 469b // 470a abprent, was sich gewert erschlagen, munch vnd pfäffen, souiel er der betreten, spissen, frawen vnd iunckfrawen nackent auszihen vnd gen lasen. Derhalben sich der Weida erhaben, vnd ein halbe meil von Bardein vnd zu Clausenburg in Sibenburgen mit pfaf Lorentzen vmb Laurenti ein harte schlacht, darinnen baider seits etlich tausent vmbkomen sein gethan, merernentem pfaf Lorentzn sambt seinen obristen hauptleuten in der flucht an der grenitz auf der Müld gefangen, wider gen Clawsnburg gefurt, doselbst lebendig vnd langsam gepraten, den sein obristen essen vnd auch eins grausamen tods sterben musen. Stillung vnd entschaft der Hungerischen krewtzer entporung, Der 84.art. Dermasen sein auch der houptman Munich Michel bei Sirmium vnd di andern kreutzer here bei dem Dorf Subel von dem Borlomissa, bei der stat Patzcho, bei Seyües, bei Dobre, im stift Erla vnd on mer orten von den konigischen hauptleuten geschlagen, zertrendt vmbracht, vnd sunst hin vnd wider im landt ir vhil pfaffen, munch vnd gespist, gepraten, geschunten, geuirtailt, geratprecht, geköpft, geplendt, gemecht vnd dowmen abgeschniten. Zeckel Jörgen streitbarkheit. Der 85. artickel. Diser gestalt hat Zeckel Jörgen konigthumb ein end genomen, dem seine krewtzer newlich aus silberen schusseln vnd thelern, so si einem edelman 470a // 470b geraubt, vnd etwan konig Mathiascho zustendig gewesen sein, zuessen geben vnd im fürstliche ehrerpitung erzaigt, vnd vhil wegen mit pfalen nachgefurt haben. Er ist geporn, wi auch kong Mathiascho, aus einem gezirck oder lendlein, di Zeckel genant das ist Siculi, gar eins geringen Vermögens, ein freidig, streitbar verwegen krigsman, vnd etwan houptman zu krichischen Weisenburg hat virmal mit den thurcken kempft vnd allemal obgesigt, einen pfenningmeister erwürgt vnd im 3000 ducatn genomen, vnd gedroet thurckisch zuwerden. Als im aber izo am iungsten seins sigs halben wider einen thurcken der konig 200 ducatn vnd zwen hengst mit gold vnd silber geziret, oder ein gulden stuck verordnet vnd er das von den pischoffen vnd rethen nit bekomen mögen, hat er im den entporigen gemeinen man anhengig gemacht, vnd mit inen souiel gros vbels gewurckt, allein aus diser vrsach, wi er dem Weida in seinen letzten notten geantwurt hat. Also seien di pischof vnd herrnn des Hungerlands durch sondre hilf ernents Weida aus Sibenburgen, auf der furnemsten herrn beschehen aidspflicht, wi etlich sagen wolln, in konig zumachen, von groster geferlikeit geledigt, vnd haben im volgendn Monat Nouembris ein Rackoß zu Offen furgenommen vnd öffentlich geredt, das in diser aufrur, so nit gar vier Monat gewert hat, bei 70 000 man vnd weiber vnd dorunter bei 400 vom adel vmkomen seien. 2 A. szöveg - Scheurl-Bibliothek, Codex J 317a: 92 Am mitwoch vor Magdalene hat man ein kromer vhon schinodan, ein magen man, seckel Jörg vorwant, zu ofen lebendig geschunten vnd hat im die haut vom hals an di enckel der fues ab zochen, hat ein stund darnach gelebt, ist er gestorben. Am pfinztag verschinen93 graue Hans hat ein grose schlacht gehabt mit den creutzer gen vnther weisberg, in der selben gegent vhil X. erlegt, hat gefangen Seckel Jörg mitsampt seinem brúder, der ein obrister ist gewesen vber al X, der di grausamen that gethan hath wider den adel. S. Jörg ist ser wundt, an dato hat man ein schon ampt gesungen zu vnß[er] frauen, der pfarrer selbst wi am ostertag, Te Deum laudamus, der gleichen zu sant gorgen kirchen vor den pischofen. In des Zeckel Jörgen Herr sein lewt aus des konigs von vngern seiten gewesen heimlich. Ist Zeckel Jörg mit wenig volcks geriten, das Herr zu beschigen, mitter Zeit haben di im Here ausstehen lasen wetter abzihen wollen, sol in vorgeben sein, dorauf der meist tail abzogen ist. da das Z. Jörg gemerkt, hat er sich auf ein anders ros sezen wollen, in dem hat in mit etlichen seinen gesellen Her weida diner gefangen, vil wenig verwundt. wer in lebendig pring, der sol 1000 fl. haben, Her weida ausgeruft. Do Z. Jörg fur den weida ist pracht worden, ob er kenig Jörg seie, wi im dorin waer. Hat in in eisen ket gschmidt. Graf Jörg von treitsch hat ein meil vnter pest zum pebothschz 4 gespist, 4 köpft vnd ein geschunten, der ist ein munch prediger Ordens, hat des Z. Jörg potschaft vil bei im gehabt, wider ein new ungluck anzufahen das volck zu verfuren. Item es seind X. knecht vnd reth gewesen haben sich zusammen geschlagen bis in 12 000, sein all erschlagen. 336