Házi Jenő: Sopron szabad királyi város története. II. rész, 1. kötet, Végrendeletek és egyéb feljegyzések 1390-től 1524-ig. (Sopron, 1930.)
Tartalomjegyzék - 23.
23. 1483 ápr. 30. Leinbater János végrendelete. Vermerkcht das geschefft, so ich Hanns Leinbater von Odennburg von den genadn Gots mit guter vernufft vnd synnen getan hab vnd das getan vor den erbern Paulko Werkusch vnd Steffan Reder, baid mitburger zu Prespurg, die ich zu mir berüefft vnd durch gotswilln gepeten halb solh mein geschefft vnd lecztn willn auf zenemen vnd gehaltten werd, als ich in des besunder getraw. Item mein zwen weingérttn, mit namen Stainer vnd der Krewtzer zu Odennburg gelegn schaff ich meiner hausfraun Barbara frey vnd ledig. Item darnach alle varunde hab, wie die genant ist, auch den wagn mitsambt dem geschyrr, so dabei belibn ist, schaff ich auch derselbn meiner hausfraun Barbara. Item mer zway tischtüecher 1 zu Wortperg 2 ligund bey den wägn schaff ich auch der bestymbtn meiner hausfraun Barbara. Item meinem bruder, hern Jörgn, der ain briester ist zu Odenbürg, schaff ich ain weingartten, genant der Hayder, gelegen zu Odenbürg, des ain achttail ist, das er mein sei bedennkch. Item von begn der zweliff guldn, die mir mein muter vbergeschafft hat, auch von begn des weins vnd der für nach aller rayttung pin ich von meinem geselln Wennczla vnd seinem geselln bezalt wordn biß an V guldn. Item so sein VII wüllein tüecher vorhannden auf den wägen vnd dabei ain palln weisse leinbat Ollmünczer, dauon sol man dem Virich Fleischakcher zu Odenbürg bezaln XX guldn vnd von demselbn VII tuech hab ich mir ain tuech vorbehalten, dauon sol man ausrichten mein bestättung zu der erden vnd mess zu halten bei meiner begrebnüss zu dem hail meiner sei. Item vnd was dem Wennczl auf die für von Wortperg gen Odenbürg darauff get vnd ausgibt, das sol im an dem V guldn abgezogn werdn. Auch sol der Wennczl dem dreisgker zu Galicz ausrichtn vnd bezaln I guldn, den ich im von den güetern am dem dreysgkisst schuldig wordn pin. Item vnd was von den V guldn vberbeleibt, das sol man legn zu den VI tüechern vnd zu der leinbat, damit man dem Virich Fleischakcher die XX guldn vnd meiner muetern die XII 1 utána : hie, 2 alatta : Prespurg áthúzva.
