A Győri Püspökség Körlevelei, 1861
Tartalomjegyzék
77 JXir. JLTT Gallia sua merito gloriatur Unione de propaganda fide et consociatione a S. Vincenlio nuncupata, quippe per quas in re Ecclesiae nostrae promovenda atque in benefaciendo inter omnes orbis catholici nationes primatum obtinet. Bavaria suam habet Unionem S. Ludovici, multiplicis in Ecclesia benedictionis feracem. Alibi aliae vigent hujusmodi piae consociationes, per quas bonorum operum fructus, ubique propullulant, ac bonum Christi odorem qua- quaversum diffundunt. Sunt nempe piae consociationes ac sodalitates, experientia teste, effi- cacissima virtutum exercendarum media, sunt efflorescentis vitae christianae luculentissima indicia. Laetum hujusmodi indicium renascentis apud nos etiam vitae catholicae nuper editum est per Unionem S. Ladislai Regis, quae sub praesidio Excellentissimi ac Reverendissimi Dni Archi-Episcopi Josephi Lonovics, et Illustrissimi Comitis Stephani Károlyi Pestini coaluit, ut coadunatis quamplurimorum viribus nobilissimos fines promoveret, religionem et pietatem foveret, in fastis christianae reipublicae celebratissimum olim gentis nostrae nomen ad pristinum splendorem reassererel. Fines illi, quos nova sodalitas materiali ope imprimis juyare ac promovere peculiariter intendit, sunt sequentes: a) Christianis orientalibus praecipue autem domesticis fidei nostrae in Turcico imperio degentibus ad erigendas Ecclesias, scholas aliaque instituta pia adjutorium praebere. Inter nationes catholicas gens nostra oris illis proxima est, quae sub duplici jugo schismatis quippe et mahomedanismi gemunt. Scissio illa, qua inconsutilem Christi tunicam dilaceratam ingemiscimus, ipsis orientalibus populis fatalis fuit, quippe exules a charitate catholica in tristem duramque servitutem prolapsi sunt, et usque ad hanc diem servorum conditionem experiuntur, non politica tantum libertate orbati, sed ecclesiastico etiam respectu multis restrictionibus obnoxii, ut de congerie malorum taceam, quae sic comparatam populi conditionem comitari solent. Torrentes nobilissimi sanguinis, quos gens nostra pro tuenda civilitate christiana ad propriam fere internecionem profudit, barbarum Turearum jugum ab oriente Christiano certe sublaturi erant, nisi obstitisset schisma, et schismatis omne animorum robur, omnem fidem extinguens lugubris efficacia. Nec illi, qui nostris temporibus fiunt ad regenerandum, ut ajunt, orientem conatus, nisi sublato, aut certe ad arctiores limites redacto schismate, optatum referent fructum. Hinc tantum momentum motuum illorum, qui paullo ante Bulgaros exagitaverunt, nunc vero alios etiam orientales populos occupare incipiunt, et versus centrum unitatis, quod Christus instituit, propellunt. Hinc maxima utilitas institutorum talium, quae rem catholicam apud populos illos materiali ope, qua maxima indigent, promovere pergant. Et nos profecto majorum nostrorum gloriam dignius aemulari non possumus, quam si in ejus sanctissimae causae patrocinium suffragia nostra obulosque conferamus, pro qua illi per seculorum decursum strenue ad mortem usque dimicaverunt. Illos in tantae virtutis proemium Providentia divina inter gravissima discrimina servavit, et quadamtenus visibiliter protexit: fortassis nobis quoque in arctissimis circumstantiis haec a Misericordiarum Patre bene merendi occasio praebetur, ut dum in rei catholicae juvamen impigre convolamus, ipsi quoque dignos nos esse probemus, quibus avita libertas et prosperitas incolumis servetur. Nr. 2487. Unio S. Ladislai Regis commendatur. 24
