Horváth Zita: Paraszti vallomások Zalában II. A Mária Terézia-kori úrbérrendezés kilenc kérdőpontos vizsgálata Zala megye egerszegi, lövői és muraközi járásában - Zalai gyűjtemény 60. (Zalaegerszeg, 2006)
Paraszti vallomások - Muraközi járás
352. SZOBOTICZA I. Urbaria nulla praeexistunt neque de iis nostra vita quidquam audivimus. II. Urbaria nulla de praesenti praeexistunt, neque de isds quidpiam nostra vita audivimus, prout et neque penes contractus servivimus, sed nos directi dominii coloni a possessorio, idest ab annis circiter 11 aut 12, moderni domini excellentissimi comitis ad excessivas praestationes robottales adacti fuimus, quam sub gubernio pie memoriae dominae comitissae genetricis videlicet moderni excellentissimi domini comitis ordinem in praestandis robottis semper habuimus. Nos vero domini parochi loci Petri Blasevich subditi, semper, quando pellebamur, ire et extra robotas quoque nostras servire debuimus, ubi etiam in hieme sponte laboratores nostros in restantiam dominus parochus posuit et in aestate occasione urgentium laborum cum maxima oeconomiae nostrae mina ad suos perficiendos labores nos adegit. Nos vero dominae relictae viduae Antonio Horvathianae hebdomadatim secundum thesseras servivimus, ita quidem, quam si plures praestitissemus laboratores, in fine anni superfluos laboratores vel parato aere vel vero in aequivalenti semper persolvit. Domini vero Georgii Kannotay subditi semper ivimus, quandocumque nobis mandabatur, ita quidem, quod nunquam ordinem robottae nostrae scire potuerimus. III. Urbaria neque contractus ulli reperiebantur, praestationes vero nostrae coloni- cales, uti sequuntur, quottanis per nos directi dominii subditos praestabantur. Colonus nimirum duarum dierum dicam regiam ita cognominari solitam in F. 1 xr. 7 1/2, pro redemptione item caponum et pullorum xr. 38 1/2, mettre- tam avenae unam Posoniensem cum vertice et e converso unius diei colonus in medietate praestare obligabamur. Domini vero parochi coloni praeter caponem unum et pullos duos nihil praestitimus. Coloni vero dominae viduae Antonio Horvathianae duarum dierum colonus dicam regiam ita cognominatam et pro redemptione caponum et pullorum F. 1 xr. 40 1/2 solvimus, praeterea unam metretam avenae cum vertice Possoniensem et e converso unius diei colonus in medietate praestitimus, in reliquo nihil. Domini vero Georgii Kannotay praeter unum caponem per integrum nihil praestitimus. IV. Opus classificationis in anno retroacto 1767 per dominos (ex inclyta universitate) eatenus deputatos peractum clare monstrabit. V. Duarum dierum coloni directi dominii jugera 6, foenilia ad currus 4, prout et domini parochi, nec non dominae viduae Antonio Horvathianae totidem, unum videlicet jugerum capax duarum metretarum Posoniensium ad nostras duarum dierum sessiones colonicales possedimus. Quod id ipsum colonos domini Georgii Kannotay tangit, cordum non falcare. VI. Nos directi dominii coloni tam robottam jugalem, quam et manualem tunc, dum nobis mandabatur, praestitimus et in tantum quidem, quod occasione mes464
