Zala vármegye története. Oklevéltár 1. 1024-1363 (Budapest, 1886.)

165. Pál országbíró Harkályi Istvánt, ki a Rezneki Mihálylyal való baj vívásra meg'nem jelent, fej- és jószágvesztésre ítéli. Ausztriában, a Sár (Lajtha) folyó mellett, 1328. sept. 8. Comes Paulus iudex curie domini regis, dilecto sibi magistro Paulo protonotario suo dileccionem plenam. Fidelitati tue presentibus declaramus quod cum Michael filius Gregorii filii Oliverii de Eeznuk in congregacione magistri Nicolai comitis Zaladiensis et quatuor iudicum nobilium de eodem, feria quinta proxima ante octavas nativitatis beati Johannis Baptiste in villa Egurzyg vocata anno in presenti celebrata, contra Stephanum filium Johannis filii Demetrii de Harkal egisset proponendo, quod idem Stephanus potencialiter in publica via insidiando, fratrem suum nomine Georgium de una possessione sua propria ad aliam possessionem suam euntem per ictum sagitte vulnerasset et unum equum eius occidisset ac duos equos eiusdem vulneratos reliquisset; quo audito Johannes filius Vendygh serviens dicti Stephani filii Johannis cum literis procuratorüs conventus Zaladiensis pro eodem Stej)hano dominó suo exsurgendo proposuit ex adverso eo modo, ut prefatus Georgius fráter dicti Michaelis potencialiter manu armata super domum ipsius Stephani domini sui veniendo, ipsum Stephanum vulnerasset et equos suos abstulisset, et in ipsius facti comprobacionem idem Johannes filius Vendygh ex parte dicti Stephani domini sui signum duelli memorato Michaeli in ipsa congregacione porrigere procurasset, quod prelibatus Michael filius Gregorii acceptasset; quibus ita peractis, prefatus magister Nicolaus comes Zaladiensis, unacum iudicibus nobilium et nobilibus regni tunc in congregacione sua assidentibus decrevisset iudicando, ut in die octavarum beati regis Stephani proxime preterito, iidem Stephanus filius Johannis et Michael filius Gregorii in propriis personis, regis in conspectu, in equis et in armis militaribus in area certaminis racione premissorum pugnaturi comparere debuissent. Quo die octavarum sancti regis Stephani occurrente, prefatus Michael filius Gregorii propria in persona in equo et in armis militaribus ac aliis armis bellicis, secundum iudiciariam sentenciam ipsius magistri Nicolai