Zala vármegye története. Oklevéltár 1. 1024-1363 (Budapest, 1886.)

sagacitas adinvenit, ut in scriptis singula reponantur memorie commendanda, proinde ad universorum noticiam tam presencium quam futurorum harum serié volumus pervenire, quod nobilis domina filia Nicolai filii Pauli de Beecb relicta Hoholdi filii Petri de Zenthmihal comitatus Zaladiensis coram nobis personaliter constituta, confessa extitit organo vive vocis, ut olim magister Stephanus páter magnifici viri domini Nicolai bani regnorum tocius Sclavonie Croacie Dalmacie, pro expedicione et satisfaccione dotis et rerum suarum parafernalium de possessionibus prescripti Haboldi mariti sui Scenthmihal Baturtheluke et Kurmend vocatis, in predicto comitatu Zaladiensi exissentibus, sibi de iure debendarum, quinquaginta marcas denariorum promtorum latorum viennensium, marcam quamlibet cum decem pensis computando, eidem dedisset et persolvisset, et ipsa dicto magistro Stephano literas expeditorias super facto ipsarum dotis et rerum suarum parorfanalium emanari fecisset, que litere tempore quo castrum Lindua vocatum ab ipso magistro Stephano per •Tohannem filium Herrici notorium infidelem sacre regié corone receptum extitisset, cum aliis quamplurimis literis eiusdem magistri Stephani recepté et perdite extitissent ac alienate; nolens igitur dictum dominum Nicolaum banum per filios fratres proximos ac ipsius posteritates racione dictarum dotis et rerum parorfanalium suarum tractu temporis aliqualiter defraudari seu molestari, idcirco ipsa tum racione solucionis prefatarum quinquaginta marcarum per ipsum magistrum Stephanum pro ipsis dote et rebus parorfanalibus suis primitus sibi facte, tum eciam pro multimodis benefaccionibus ipsius domini Nicolai bani a tempore decessionis dicti Hoholdi domini et mariti sui benigne et largiter impensis et exhibitis, eundem Nicolaum banum et suos heredes heredumque suorum successores, super predictis dote et rebus suis parorfanalibus expeditos reddidisset, imo reddidit et commisit coram nobis expeditos per omniaque satisfactos. Cuius quidem domine fassioni et affirmacioni Emericus et Jacobus filii eiusdem domine de alio marito suo scilicet Georgio de Goztoliaprocreati, similiter personaliter adherendo, consensum prebuerunt et assensum per omnia liberalem;