Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)

Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András

Acta et observata <XIII>

meum, quem Professus sum, sed neque me stare posse pro causa, quam neque Sua Majestas quidem duplici recommendatione evincere et obtinere potuit.

Hic alii me aspexerunt, alii capita contruserunt, alii vero non scio quid obmurmurarunt, attamen ex illa hora me valde humaniter habuerunt, [p. 92.]

Contradictores vero in hac causa, quamvis exceptis tribus, fuerint omnes, praecipui attamen ex iis erant sequentes:

Primus, Dominus Archiepiscopus Colocensis Comes Csáky. Secundus, Episcopus Agriensis, qui ab Ordine nostro alienissimi est animi. Tertius, Episcopus Transylvaniae. Quartus, Episcopus Titularis Albanensish Comes ab Erdődy, qui simul erat notarius Synodi. Quintus, Archiabbas Benedictinus ad Sanctum Martinum. Sextus, Pater Provincialis, qui votum prorsus dedit Jesuiticum, dicere volo vilipensionem et illusionem depressionemque aliorum Ordinum redolens: erat autem illud in terminis ferme tale: ego multum profecto doleo, quod videam hanc petitionem Dominorum Abbatum supplicantium, omnibus pene suffragiis destitui. Sperassem namque quod hac ratione etiam ego, quamvis heri primo receptus, potiori Jure sessionem sortirer in Tabula Domoque Magnatum. Si enim Dominis Abbatibus istis ad consequendam intentionem suam suffragari deberet, quod sint Vicarii Generales, talis sum et ego. Si istud, quod sint in potestate constituti, habentes sub se plures praeposituras, talis etiam sum et ego habens sub me triginta aliquot familias. Si istud, quod jurisdictione et eminentia Ecclesiastica item variis privilegiis Pontificiis gaudeant. His omnibus affluentius vel saltem aeque affluenter gaudet Societas nostra etc. Proinde si eorum adducta argumenta aliquid probare et admitti deberent, rogarem demisse etiam mea admitti, interim votum meum addo negativis. Item quamvis aliis terminis senserunt residui duo Collegiorum Tyrnaviensis et Posoniensis Rectores.

Praecipuus autem e contradicentibus tacitis fuit ipse Dominus Cardinalis qui licet nihil contradixerit, satis tamen cujus sit animi declaravit, [p. 93.] quando metuentibus ne fors Sua Caesareo-Regia Majestas propter iteratam recommendationem non attentam offendatur, ipse reposuit et bis repetiit, non timeant Sua Majestas non offendetur, ego responsum ad Suam Majestatem sic stilizabo, ut non sit metuenda ulla offensa. Tamen quivis libere suum proferat votum.

Liquebat contrarietas ejusdem etiam in hoc, quod cum Sua Majestas Caesareo-Regia eundem requisivisset, ut causam hanc ex asse secundaret, eamque Dominis Statibus recommendaret, is ne verbulum quidem in favorem ejusdem protulerit, cum tamen ut Jesuitae sessionem sortirentur, eosdem non modo recommendaverit ac merita eorum depraedicaverit, sed pro iisdem etiam interventionem totius Cleri ad Suam Majestatem expediri fecerit. Sic nempe in mundo, cuncta favore vigent absque favore rigent?

h helyesen: Arbensis.

227