Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)

Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András

Acta et observata <VI>

Status vero Regni discedunt, et se ad Domum Viridem promiscue conferent, benignas ibidem Propositiones Regias publice praelegendas exaudituri, et absque ulla consultatione ad quartiria sua redituri.

Sequitur Ordo Coronationis Suae Sacratissimae Majestatis

Triduo ante coronationem cista ubi, Corona Regia cum caeteris Clenodiis reposita est, ex turri ad Suae Majestatis habitationem per Conservatores Coronae et duos ex Ministris Caesareo-Regiis, Domino Palatino praesente aliisque ex Statibus deputatis, quasi privato modo deferetur, ibidem que aperietur cista, ut Suae Majestati et Corona et Gladius Sancti Stephani, aliaque apparari accomodarique possint, quae cista deinde iterum sequenti die in turrim reponenda.

Pridie coronationis hora septima meridiana Conservatores Coronae cum reliquis deputatis Proceribus et Regnicolis in Domo Principis Palatini convenient, et ad arcem se conferent, inde cistam cum Corona et Clenodiis in Curru Regio ad sacristiam Templi Majoris Sancti Martini deportaturi ordine sequenti: Domini Conservatores Coronae Nicolaus Pálffy et Comes Adamus Kollonich.

Item caeteri ex Magnatibus et Praelatis per Dominum Principem [p. 45.] Palatinum denominandi et ex his nobiles aliqui per Dominum Personalem designandi. Quibus adjungentur ex parte Suae Majestatis Domini Domini Germani Intimi Consiliarii ad id deputandi.

Cives porro armati comparere et Coronam expectare ad crucem ante Domus sub arce extructas debent. Magistratus vero expectat sub Porta Sancti Michaelis, et comitatur usque ad praefatum templum.

Claves sacristiae habebunt Conservatores Coronae, ipsius vero Templi Custos Capituli.

Regius ut supra currus erit, cui imponetur Corona et Clenodiae, pro tegumento pannus aureus, cui insidebunt duo Domini Commissarii Germani et Domini Conservatores Coronae, Episcopi Coronam comitaturi curru proprio vehentur ante praedictum Currum Regium. Caeteri autem ordines equitabunt. Custodes vero seu satrapae viginti Germani et totidem Hungari ad latus currus utrinque comitabuntur.

Ex Magnatum numero, qui cistam Coronae et Clenodiorum tollent ex turri, ubi asservatur et ad currum deferant, iidem rursus ad gradus cemeterii sublatam e curru cistam deportent, quam Dominus Palatinus et duo conservatores sigillis suis obsigillabunt, constituentur numero quatuor, qui eandem cistam deportabunt ex Magnatibus et ex Nobilibus itidem quatuor.

Ad portam Templi Cathedralis ad impediendam plebis tumultuosam confluentiam constituet Dominus Janitorum Magister quatuor ex Magnatibus, praeterea ex Germanis duo Comites.

200