Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)

Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András

Acta et observata <VI>

una vel altera persona causari posset. Ita memoratos Regni Proceres a gravibus hisce et minus necessariis sumptibus sublevare cupiens prorsus emanere clementissime resolvit.

Dextrum vero latus e regione cohortum Hungaricalium Germanus miles equestris ordinis pro custodia corporis destinatus occupabit, [p. 41.] Circa horam tertiam pomeridianam apud tentorium expectantes Dominus Archiepiscopus Strigoniensis Cardinalis et Princeps Palatinus ac caeteri Praelati, Magnates et Status Regi advenienti ad carpentum occurrent, descendentemque Majestatem Regiam ad tentorium deducturi.

Tunc ibidem Dominus Archiepiscopus nomine universorum Statuum succincta Latina oratione Suam Majestatem excipit, dictoque sermone Sua Majestas ibidem respondet, ac paternam in Regni cura solicitudinem pollicetur.

Initio orationis ac responsi sui fine Sua Majestas Sacratissima pileum suum capite depromit, sed utraque vice confestim apponit. Ad osculum manus admittit his peractis.

Dein Sua Majestas e tentorio exit, et tunc datur primum salve, et exploduntur in arce tormenta, ac iter Posonium prosequitur equitando, una cum Ministris Aulicis necnon Statibus et Ordinibus qui Suae Majestati obviam processerunt.

His sequuntur duae Germanicae compagniae equestres.

Regimen Germanicum pedestre ponet se apud pontem navalem in Danubio antequam eo perveniat Sua Majestas, et ex hoc Regimine duae compagniae pergent ad Arcem vigilias ibidem peracturae.

Per navalem autem pontem in Danubio transeuntem Suam Majestatem et civitati approximantem, ac per Portam Viennensem intraturam Magistratus loci extra eandem portam praestolabitur, et cum profunda submissione reverebitur: Magister autem civium seu Consul nomine totius [p. 42.] Magistratus gratulatoria oratione Suam Majestatem demisse excipiet, eaque dicta claves civitatis praesentabit, quas Sua Majestas manibus quidem attrectabit, sed ipso facto restituet Consuli vero ac Magistratui respondebit, deinde eosdem ad osculum manus admittet, et ingressum in civitatem faciet, Magistratus vero nudato capite ex utroque latere Majestatem Suam Sacratissimam usque ad arcem comitabitur una cum civibus.

Intrando civitatem inflantur tubae cum sono tympanorum aeneorum, fiet secundum salve cum explosione tormentorum omnium, et omnium Campanarum compulsatione.

Cives cum quatuor vexillis, armati comparebunt, et incipiendo a navali ponte et Porta Danubiali, stabunt in ordine usque iterum ad portam civitatis per quam Sua Majestas ad arcem profectura est, et ab inde usque ad Hortum Pálffyanum, prout et nonnulli gavalleri seu Magnates Hungari extra Portam Sancti Michaeli.

198