Mocsáry Sándor szerk.: Természetrajzi Füzetek 18/1-4. (Budapest, 1895)

1-2. szám

foveae parte anteriore sitis, vittis coniunguntur primo anteriora versus et intus directis, tum foras curvatis. Céphalothorax humefactus fusco-niger, macula sat magna pone oculum posticum utrumque sitâ et vittâ submarginali parum latâ paullo pallidioribus. Mandibulae fuscae, sternum flavo-fuscum, marginibus nigricantibus. Palpi pallide flavidi, parte tibiali basi supra macula nigricanti ornata. Pedum coxae et femora cinereo-flavida, caeterae partes pallide fuscoflavidœ, colore nigro-fusco maculatae : femora omnia ad apicem annulo ornata, in pedibus anterioribus subter interrupto, in posterioribus subter obsoleto, patellae in latere utroque macula singula pictae, tibiae basi et apice (basi latius et distinctius) annulatœ, annulis supra aut subter aut supra et subter plus minusve interruptis, tibiae anteriores nonnunquam toto latere posteriore colore fusco-nigro picto, metatarsi basi et apice, tarsi basi annulati. Pedum — praesertim femorum — pictura insigniter variare videtur : color nigricans et fuscus nonnunquam totum fere latus posterius femorum anteriorum et latus anterius femorum posteriorum occupât; partes, quae restant tum fusco-flavidœ, maculas formant binas oblongas, ad basim et prope apicem femorum, in pedibus anterioribus melius expressas quam in posterioribus. Abdomen supra fuscum, cinereo-flavido maculatum (vide infra!), lateribus et ventre flavido-cinereis, illis fusco punctatis, hoc vittis duabus obsoletis pallide fuscis, a scutis pulmonalibus mamillas versus ductis, posteriora versus inter se appropinquantibus, ornato. Mamillœ supremae nigro-fuscae, infimae fuscae. Céphalothorax, abdomen, pedes supra et in lateribus squamis confertis, nigris et aurantiacis (dispersis) et modo albis aut cinereo-albis modo albis et ochroleucis tecta ; sternum et pedes subter longe albo villosa ; etiam partes, quae squamis confertis teguntur, pilis longis obscure coloratis instructae. Pictura corporis desiccati plus minusve definita, e maculis paene albis in fundo nigro-fusco, aut cinereo-albis in fundo cinereo-fusco constat. Céphalothorax limbo marginali albo parum lato, ad eum vittâ angustâ nigra ornatus ; latera caeterum fusca, squamis pallidis numerosis immixtis praesertim in parte anteriore et margines versus ; area oculorum antice albida, posteriora versus sensim obscurior, maculis pallidioribus ornata : in margine antico medio, in angulis anticis, inter oculos seriéi 2-ae et 3-ae, denique in dimidio anteriore maculis duabus, medio quam lateri propioribus ; omnes has maculae parum definitae, inter se plus minusve coniunctae ; dorsi pars pone oculos sita nigra squamis pallidis paucis immixtis aut murina, pone oculum posticum utrumque macula magna albâ aut cinereoalbâ ornatur, subtriangulari lateribus fortiter curvatis : antico profunde, interno minus profunde excavato, posteriore externo angulato ; area obscura, his maculis limitata, asque circiter atque maculae ipsae lata. Facies tota cum cingulis oculorum alba aut albida; mandibulae basim versus