Századok – 2023
2023 / 6. szám - TANULMÁNY - Bácsatyai Dániel: A széplelkű kamaraispán és más szerencselovagok. III. András olaszai
BÁCSATYAI DÁNIEL posita in Castello pro pignore legati, quod sibi dimitto donec ipsa habebit legatum, quod superius ordino sibi dari. Et habeat interim ipsa fructus dicte domus de Castello, ita quod fructus sive pensio non computetur in sortem, quousque sibi fuerit satisfactum. Item dimitto Viole servitrici mee soldos decem grossorum et insuper soldos quinque grossorum, filio ipsius Viole, si ingredietur monasterium. Item dimitto magistro Monti et magistro Symoni, qui me habuerunt in cura, pro suo labore soldos quadraginta grossorum pro quolibet. Item volo, quod dentur libras septuaginta pro anima domine Richelde Valaresso. Item dimitto Marie servitrici mee, que michi servivit, soldos viginti grossorum. Item volo, quod distribuantur pro anima mea et animabus illorum, quorum bona defraudari, libras centum de dictis libris duabus mille. Item dimitto libras centum de dictis libris duabus mille heredibus condam domini Pandulfi de Petriolo, et si non invenietur aliquis heres ipsius, dentur pro anima ipsius monasterio Sancte Katarine de Clugia maiori pro possessionibus emendis. Item dimitto Palme condam servitrici mee libras decem. Item volo, quod omnes dimissorie mee solvantur infra duos menses postquam notum erit pro certo commissariis meis de morte mea, salvo quod dictum est de dimissoria librarum triginta dimissis fratribus Predicatorum de fructu et obventionibus piscarie magne, que debent solvi annuatim. Et salvo quod dictum est de aliis dimissoriis, que habent terminum sive condicionem, quod si alie dimissiones solute non fuerint, ut dictum est, ex tunc omnes commissarii mei sint extra commissariam meam, et sint soli commissarii mei procuratores Sancti Marci super commissariis constituti et prior et lector fratrum Predicatorum de Venetiis, qui erunt pro tempore. Et quod ipsi possint et debeant vendere, alienare, ac etiam obligare omnes possessiones meis adhoc, quod ipsi possint infra alios duos menses satisfacere omnibus illis, quibus ego dimitto. Et quod possint affictare dictam piscariam, ita quod fratres antedicti, scilicet Predicatores habeant annuatim libras triginta, ut dictum est, videlicet medietas ipsarum triginta librarum sit fratrum Predicatorum et alia medietas sit pro edificatione altaris sui magni, seu ad laborandum dictum altare vel in opere sue ecclesie. Et alie dimissorie mee omnes, quas dimitto, solvantur in duplum, si solute non erunt infra duos menses, ut dictum est. Nolo tamen, quod possessiones mee in confinio Sancti lualiani posite, nec mea piscaria magna vendi vel alienari, obligari sive pignorari possint alioquo modo vel titulo seu ingenio, sed semper vadant de herede in heredem masculum salvis suprascriptis condicionibus. Etiam volo, quod dicta domus mea semper maneat indivisa inter heredes et pro heredibus meis masculis. Et quandocunque heredes sive proheredes mei sine herede masculo remanserint, volo, quod omnes mee possessiones, quas habeo in Venetiis, vendantur, et quod de denariis inde habitis fiat unum monasterium in Venetiis, in quod adminus decem fratres Predicatores stare debeant, quibus dimitto et volo, quod habeant libras quingentas annuatim de meis bonis, et dicti fratri teneantur orare pro anima mea et 1191
