Századok – 1906
Értekezések - SZABÓ DEZSŐ: Két Árpád-kori oklevél 620
628 SZABÓ DEZSŐ. tes permanere, presentibus eidem damus, concedimus et donamus, ac donationes nostras prius factas ex certa scientia confirmamus, prout imprivilegiis nostris infrascriptis exinde confectis plenius continetur, quorum tenor talis : BELA Dei gratia Hungarie, Dalmatie, Croatie. Rame. Servie, Gallicie, Lodomerie Cumanieque rex. Omnibus tam presentibus quam futuris. présentes literas inspecturis, salutem in omnium Salvatore. Regie sublimitatis Providentia sic famulantium mérita prospicere tenetur oculo pietatis, et illos qui merentur remunerationum suarum titulo extollere, ut alii eorum exemplis ad fidelitatis opera invitentur. Proinde ad universorum notitiam volumus pervenire, quod cum possessio Royka nuncupata, quam militi nostro comiti Simoni Gallico propter multas ipsius virtutes et servitiorum suorum mérita pro loco descensuali contulerimus, ipso sine liberorum solatio decedente ad manus regias merito fuisset devoluta, nos recensentes fidelia servitia Herrandi magistri agasonum nostrorum. comitis Trinchiniensis, dilecti et fidelis nostri. que a tempore sue pueritie tam in domo nostra, quam in diversis expeditionibus nostris, quas habuimus contra dominum regni Boemorum et terras Austyrie (így) et Styrie ac Moravie, personam suam innumerabilibus fortune casibus et iacturis laudabiliter exponendo, in fervore fidelitatis nobis exbibuit incessanter ; inter quas quedam ipsius fidelitates et servitia quedam specialia iussimus presentibus annotari. Nam cum misso exercitu nostro terrain Styrie faceremus devastari. idem magister Herrandus sub castro Dobronuc prefectum eiusdem castri in prelio campestri persona propria, deiectum lancea interemit, ibique idem magister letaliter sauciatus, aliis regni nostri liostibus non modicum in dandis plagis incussit formidinem ac terrorem. Post hec et dum Castrum Peno in terra Moravie per nostram potentiam captum, conservationi ipsius magistri commisissemus. idem non sine parva sui suorumque sanguinis effusione dictum Castrum per omnia illa tempóra discriminis et guerre viriliter conservavit. Ad hec nobis terram Austrie devastantibus, tam in expugnatione castri Kurchulas, quam aliorum plurimorum, sepedictus magister in nostro conspectu decenter dimicando, prelia sepissime inter hostes optinuit digna laude. Verum licet post hec et alia ipsius magistri mérita et obsequia, que longa essent per singula recitari, magna et alta mereret premia reportare, in recompensationem tamen servitiorum eiusdem, predictam possessionem Royka, que cum antea parentum ipsius magistri Herrandi fuisset, propter quosdam excessus alienata fuerat ab eisdem, cum terris Olfeld et Melchmolad nuncupatis, ad eandem Royka pertinentibus, ac cum aliis omnibus utilitatibus et pertinentiis, turri scilicet lapidea que per combustionem erat penitus desolata, et piscatura Danubii
