Drăgan, Ioan (szerk.): Mediaevalia Transilvanica 2000 (4. évfolyam, 1-2. szám)
Instituţii
Privilegiile Scaunului Caşin 19 interrogationem inde non quoquam in alias sedes, sed tantum in curiam maiestatis suae deducerentur, exhibentes et praesentantes nobis in specie eiusdem serenissimi loannis secundi literas confirmationales superinde confectas continentes in se confirmative tenorem literarum confirmationalium praefati Wladislai regis, quibus mediantibus idem Wladislaus rex literas dicti quondam Mathiae regis super praemissa libertatis praerogativa confectas confirmasse dinoscebatur. Requisieruntque nos iidem praedicti Siculi debita cum instantia petentes, ut nos ipsos ac universos Siculos dictae sedis Kazon in praemissa eorum libertate conservare et id eisdem annuere et concedere vellemus, ut quemadmodum hactenus, ita deinceps quoque semper liberam per se belliductorem et iudicem eligere et sedem inter eos habere possent ac valerent et ut iuxta annuentiam dicti serenissimi principis loannis secundi in literis praedictis eiusdem confirmationalibus expressam universae causae ad appellationem litigantium seu interrogationem ex eadem sede Kazon non quoquam in alias sedes, sed tantum in curiam nostram, nostram videlicet in praesentiam deducerentur. Nolentes autem nos ipsos Siculos sedis Kazon in eorum praemissa libertate in cuius usu hactenus fuerunt, quovis modo impediri, turbari molestarique petitione eorundem Siculorum faventer admissa, id eisdem Siculis universis in sede praedicta Kazon commorantibus de mera et plena authoritate nostra, qua publice fungimur, annuimus et concessimus, ut ipsi praemissa eorum libertate, in cuius usu - ut praemissum est - hactenus fuerunt, etiam deinceps libere uti, frui et gaudere belliductoremque et iudicem iuxta contenta literarum privilegialium praescriptarum per se inter ipsos eligere ac etiam sedem habere possint et ut iuxta annuentiam dicti serenissimi electi regis universae causae ad appellationem litigantium seu interrogationem ex dicta sede Kazon non quoquam in alias sedes Siculicales sed tantum in curiam nostram, nostram videlicet in praesentiam deducantur, prout iuxta usum eiusdem libertatis annuimus et concedimus praesentium per vigorem. Quocirca vos egregios agiles, iudices, bell i ductores, primores, primipilos ac universitatem Siculorum sedium Siculicalium, signanter sedis Chyk hortamur et nihilominus authoritate nostra committimus quoque firmiter, quatenus praefatos Siculos sedis Kazon praemissis eorum libertatibus in eligendo per se inter eos belliductore, iudice et sede habendo necnon deducendis per appellationem causis ex sede Kazon nostram in praesentiam, quatenus quidem in usu huiusmodi libertatis fuerunt deinceps quoque uti, frui et gaudere permittatis neque ipsos in illis turbare, molestare et impedire audeatis. Secus non facturi, praesentibus perlectis exhibenti restitutis. Datum Albae luliae decima octava die mensis Augusti anno Domini millesimo quingentesimo septuagesimo primo. His ab una Stephanus Bathori de Somlio manu propria ab alia vero partibus subscriptum erat Franciscus Forgacz cancellarius manu propria.
