Zsoldos Attila (szerk.): Hercegek és hercegségek a középkori Magyarországon. Konferencia Székesfehérváron 2014. szeptember 20. - Közlemények Székesfehérvár történetéből (Székesfehérvár, 2014)
B. Halász Éva: 14. századi hercegek és hercegnők oklevelei
14. SZÁZADI HERCEGEK ÉS HERCEGNŐK OKLEVELEI Stephanus Dei gratia totius Sclauonie, Croatie et Dalmatie dux omnibus Christi fidelibus, presentibus et futuris, presens scriptum inspecturis salutem in salutis largitore. Universorum notitie, tam presentium, quam tuturorum harum serie declaramus, quod quamquam possessiones et possessionarias portiones condam Demetrii filii Nicolai, hominis heredum solatio destituti, Rastigh videlicet, Ezeek, Kopeel, Laaz, Polyna, Tharnowcz et Kwchyan vocatas in dicto regno nostro Sclauonie, in comitatu de Orbaz existentes manibusque nostris ducalibus primum dictorum regnorum nostrorum nobis ducatum tenentibus iuridice redundatas Thome filio Ladislai filii Simonis de Zenth Iakab castellano nostro de Medwed et Iohanni dicto Thar filio Ladislai filii Elye fratri ipsius Thome patrueli intuitis fidelibus obsequiis et servitiorum preclaris meritis, ipsi Thome filio Ladislai et in recompensationem eorundem aliqualem cum omnibus earum utilitatibus et pertinendis quibuslibet ac sub certis limitationibus et terminis metalibus, quibus eedem per iamdictum Demetrium filium Nicolai hominem solatio heredum exorbatum habite extiterunt et possesse, de beneplacito et sincera voluntate excellentissimi principis, domini regis Lodouici, fratris et domine regine, genitricis nostrorum carissimorum, prelatorum etiam et baronum regni quamplurimorum consulti consilio, heredum ipsorum in heredes perhennalis donationis titulo litteris nostris privilegialiter emanatis mediantibus duxeramus conferendas. Tamen, quia continuate querele prefatorum Thome filii Ladislai et Iohannis dicti Thar super eo, ut eedem possessiones per nostram maiestatem ipsis, ut premittitur, perpetuo collate in confinio dicti regni nostri Sclauonie adeo existerent, ut ipsis eedem ad pacificum usum et commode prosperum minime haberentur, aures nostres propulsarent, ideo saniori inducti consilio premissis possessionibus Rastigh videlicet, Ezeek, Kopeel, Laaz, Polyana, Tharnowcz et Kwchyan vocatis condam Demetrii filii Nicolai ab eisdem Thoma et Iohanne ipsis volentibus ablatis et castro nostro de Orbaz omnino applicatis, quandam aliam possessionem nostram ducalem Zenthpether vocatam, in eodem regno nostro Sclauonie, in comitatu Crisiensi habitam cum omnibus pertinentiis ad eandem iuribusque quibusvis et suis utilitatibus, que nunc sunt vel forent aut fieri possunt in futurum, similiter sub hiisdem certis limitationibus metarum et terminis, quibus hucusque erga manus nostras ducales vel banatus dignoscitur extitisse, pro premissis possessionibus permutationis et concambiali titulo eisdem Thoma filio Ladislai et Iohanni dicto Thar filio dicti alterius Ladislai, fratri suo patrueli et eorum heredibus ac heredum suorum successoribus premisso iure perhennali irrevocabiliter possidendam duximus conferendam. Assumentes nichilominus eosdem Thomam et Iohannem ac ipsorum successores ratione ipsius possessionis Zenthpether et ad eandem pertinentium, sic concambialiter eisdem per nos date et collate, ab omnibus impetitoribus processu temporum per omnia expedire. In cuius rei testimonium presentes concessimus litteras nostras privilegiales pendentis et autentici sigilli nostri munimine roboratas. Datum per manus magistri Georgii aule nostre prothonotarii et comitis de Orbaz, dilecti et fidelis nostri, tertio idus mensis április, anno Domini millesimo CCCmo quinquagesimo tertio, ducatus autem nostri anno primo. 36. 164
