Szily János: Instructio venerabilis cleri dioecesis Sabariensis (Szombathely, 1855)
54 autein S. Michaelis usque ad festum S. Georgii primum media nona, alterum nona, demum tertium signum media decima campanae pulsu edatur. Paulo post nonam, vel mediam decimam sacrum cantatum fiat; post hoc concio habeatur. Absoluto sacro sermone, si quae publicationes de servandis orationibus, ac devotionibus, aut matrimoniorum denunciationes necessariae fuerint, instituantur; festa item de praecepto, et jejuniorum dies, si qui intra proximam septimanam occurrerint, populo annuncientur, et in quonam loco divina proximo die festo, ac dominico celebranda sint, promulgetur, ac demum actus theologici populo per Contionatorem praeorentur. Si tamen nonnulli Parochi opportunius judicaverint, ante sacrum, vel intra solennia Missarum post evangélium ad populum dicere, id prudenti eorum arbitrio relinquimus, quemadmodum et alias constitutiones nostras, et Praedecessorum nostrorum, qui certis inducti causis pro quibusdam parochiis specialem divinorum ordinem praescripserunt, porro etiam observari volumus. A meridie toto anni tempore hora tertia coronam B. V. Mariae cum mysteriis cum populo orent, et pueros rudimenta fidei doceant. In quo autem loco divina matutino tempore celebrata fuerint, ibidem etiam pomeridiano catechesim servari cupimus, ut non solum in matre, sed etiam in filialibus aequa ratione principia religionis tradantur. Et ne fidelis populus ullo die dominico, vel festo missae sacrificio, et spirituali animae pabulo frustretur, omnibus Parochis, et parochiarum Administratoribus mandamus, ut nullo sub praetextu seu Dedicationis, vel Patrocinii, aut alicujus solennitatis alicubi celebrandae, in eaque sacri decantandi, vel sermonis habendi, aut processionis eo deducendae, sacrum, vel concionem domi intermittant: verum si ad similes festivitates invitati proficisci, aut etiam populum suum processionaliter eo comitari cupiverint, vel alium sacerdotem, qui loco sui cuncta divina in sua parochia peragat, substituant, vel ipsimet praevie cuncta ordinate, et non festinanter perficiant, ac nonnisi peractis omnibus ad alia loca excurrere valeant. Imo ne populus rudis per intempestivam Missae auditionem ab audiendo verbo divino avocetur, sancimus, ut populus fidelis crebro edoceatur non satisfieri spiritui praecepti ecclesiastici per eos, qui — audito lecto sacro — parochialibus divinis, quorum essentialem partem verbi divini praedicatio constituit, citra sufficientem rationem interessé negligunt; utque in parochialibus ecclesiis, ubi unus tantum Curatus constituitur, nullus Sacerdos seu saecularis, seu regularis in ea ecclesia, in qua populus ea die divina habiturus est, ante sacrum cantatum Missam celebret. Quod si nihilominus urgenti ex causa antea vel in eadem ecclesia, vel alia celebrare voluerit, ea sub conditione admittimus, ut vel sine ullo pulsu, et clausis ecclesiae januis celebret, vel si populum in ecclesiam immiserit, finito sacro,
