Szily János: Instructio venerabilis cleri dioecesis Sabariensis (Szombathely, 1855)

38

bona, glorificent Patrem vestram. Matth. 5. v. 16. Id ipsum Salvator noster praestitit, qui primum coepit facere, dein docere. Act. 1. v. 1. Eum magnum in regno coelorum vocandum edixit, qui mandata l)ei fecerit, et docuerit, Mattii. 5. v. 19. Sane si contra cupiditatem bonorum loquentem populus tacite avaritiae arguat; si sobrietatem commendantem, intemperantiae incuset ; si castitatem extollentem, impuritatis notet; si contra iram detonantem iracundum esse sciat: non solum exiguum, aut nullum laboris pretium feret, sed severiori hominum judicio, et majori contemtui se exponet.

CAPUT IV.

De tradenda Doctrina Christiana.

Verum in nullo praedicationis genere majorem industriam, prudentiam, charitatem, ac patientiam a vobis desideramus, quam in parvulorum instructione. Cum enim hi novellae sint Ecclesiae plantae, ac tenelli vineae dominicae palmites, continua sollicitudine, ac paterno prorsus affectu dirigi, ac foveri debent; ut a pullulantibus semper corruptae naturae vitiis purgati, ad rectitudinem legis divinae in viros perfectos excrescant. In hoc etiam divinus noster Magister maxima amoris teneritudine praeluxit, cvii offerebant parvulos, ut tányérét illos, discipuli autem comminabantur .offerentibus', quos cum videret Jesus, indiyne tulit, et ait illis: Sinite parvulos ad me venire, et ne prohibueritis eos, talium est enim regnum coelorum, et complexans eos, et imponens manus super illos, benedicebat eos. Marci 10. v. IO. 13. 14. 16.

Et admirandus Doctor gentium pro ingenti sua in omne genus hominum charitate, ac zelo in hoc quoque exemplum praebuit, qui Corinthiis, tamquam parvulis in Christo, lac primum potum dedit, non escam, 1. Cor. 3. v. 1. 2. seu non sublimem doctrinam, verum rudimenta fidei tradidit. Hinc summi Ecclesiae Pastores, ac Doctores, ut SS. Basilius, Augustinus, Carolus Borromaeus, et Franciscus Salesius, aliique non solum ab officio suo alienum, ac infra dignitatem suam esse non existimarunt, pueros, et rudes instruere, verum praecipuam muneris sui partem ex praecepto Domini judicarunt, eosdem salutaribus doctrinis imbuere. Ideo Cone. Trid. Sess. 24. c. 4. de lleform. ordinavit, ut Episcopi saltem dominicis, et aliis festis diebus pueros in singulis parochiis fidei rudimenta, et obedientiam erga Deum, et parentes diligenter ab iis, ad quos spectabit, doceri curent, et si opus sit, etiam per censuras ecclesiasticas compellant.