Szily János: Instructio venerabilis cleri dioecesis Sabariensis (Szombathely, 1884)

consequatur et D. N. Jesu Christi ac Bmae Virginis Mariae Sanctorumque omnium meritis sibi suffragantibus a purgatorii poenis, si ita Deo placuerit, liberetur“ et ordinamus, ut libellum in hac re suum supplicationis cum denominatione altaris, cui altare privilegiatum quotidianum ad Septennium concessurum petere volunt, ad Nos dirigant, privilegio hoc concesso solliciter utantur et elapso Septennio idem iteratis supplicationibus renovari curent. Notare volumus, indulgentiam solummodo fidelibus, in Domino defunctis posse applicari, pro quibus et intentio formari debeat; diebus non impeditis Missa de Requiem erit celebranda et solummodo diebus impeditis et occasione expositionis Ssmi Sacramenti Missa diei; altare designatum sit „altare fixum et stabile“ ; et demum desuper altare applicetur tabella cum inscriptione „Altare privilegiatum pro defunctis“ Formulam petendi et renovandi hoc privilegium vide in appendice.

Ne vero piae fidelium intentiones circa Missarum celebrationem quoquo modo fraudentur, omnibus ecclesiarum Rectoribus, et Beneficiatis mandamus, ut sacra fundata accurate absolvant, eorumque consignationem in aliqua tabula in sacristia exponant, quatenus celebraturi suas obligationes citius, et frequentius in memoriam revocare possint. Non minus ordinarias stipendiatas Missas diligenter, debito loco, et tempore juxta intentionem dantium perficiant, neque stipendia manualia, seu ordinaria plura acceptare audeant, quam quibus infra modicum tempus, seu infra unum mensem, si Missa sit offeranda pro defunctis, secus vero duos menses satisfacere possint. Bened. XIV. Inst. 56. n. 14.

Tametsi pro fundatis sacris, quae instar bene— 94 —