Szily János: Instructio venerabilis cleri dioecesis Sabariensis (Szombathely, 1884)

CORNELIUS HIDASY, DEI ET APOSTOLICAE SEDIS GRATIA EPISCOPUS SAB ARIENSIS.

OMNIBUS DIOECESIS NOSTRAE PRAEPOSITIS, ABBATIBUS, CANONICIS, ARCHI-DIACONIS, VTCE-ARCHI-DIACONLS, PAROCHIS ET PAROCHIARUM ADMINISTRATORIBUS, CAPELLANIS, CONCIONATORIBUS, CONFESSARIIS, PRESBYTERIS TAM SAECULARIBUS, QUAM REGULARIBUS, ATQUE UNIVERSO CLERO NOSTRO SALUTEM IN DOMINO SEMPITERNAM.

Xmmensa Dei misericordia in solium Episcopale Ecclesiae Sabariensis sublimati nihil magis anhelamus, quam ut vestigiis piae memoriae Praedecessorum presso pede inhaerendo eorumque salutaria instituta inviolate custodiendo Almae huic Dioecesi pro modulo Nostro prodesse possimus.

Hoc scopo animati quum intellexerimus praeclarae illius et aeterna observantia dignae Instructionis Pastoralis a primo Ecclesiae huius magni nominis Episcopo, Joanne Szily, in aditu muneris sui editae atque ante sex circiter lustra per piae memoriae Episcopum, Franciscum Szenczy, denuo typis vulgatae, pauca nonnisi iam superesse exemplaria, decrevimus novam eiusdem editionem mutatis alioquin pro indigentiis temporum mutandis novisque constitutionibus auctam procurare. Nihil tamen in ea mutavi .nus, nihilque addidimus, nisi quod auditis prius de Ecclesia Dei bene meritorum virorum consiliis coram Nobismet ipsis matura deliberatione examinatum atque discussum fuerit.

Dum igitur hanc emendatam atque novis constitutionibus auctam editionem manibus vestris cre-