Szily János: Instructio venerabilis cleri dioecesis Sabariensis (Szombathely, 1884)

PARS SECUNDA,

CAPUT I.

De Residentia Clericorum.

Quoniam Patres Tridentini primariam, et fundamentalem curatorum Clericorum obligationem Residentiam esse agnoverunt, et ex eorum absentia plurima, maximaque animarum mala oriri animadverterunt ; ingenti studio, et ardore Residentiam omnibus inculcarunt, et severas leges, de ejusdem observatione Sess. 6. c. i. Sess. 23. c. 1. de Reformatione sanxerunt. Nam cum praecepto divino mandatum sit omnibus, quibus animarum cura commissa est, oves suas agnoscere, pro his sacrificium offerre, verbique divini praedicatione, sacramentorum administratione, ac bonorum omnium operum exemplo pascere, pauperum., aliarumque miserabilium personarum curam paternam gerere, et in caetera munia pastoralia incumbere, optime perspexit eadem sacro-sancta Synodus, haec omnia nequaquam ab iis praestari posse, qui gregi suo non invigilant, sed mercenariorum more deserunt. Idcirco eos admonuit, et hortata est, ut divinorum praeceptorum memores, factique forma gregis, in judicio, et veritate pascant, et regant. Insuper statuit praeter alias poenas adversus non residentes Sess. 6. c. 1. de Reform, impositas, et innovatas ac mortalis peccati reatum, quem incurrunt, eum, qui absque legitima causa ultra tempus praefixum abfuit, pro rata temporis absentiae

4