Szily János: Instructio venerabilis cleri dioecesis Sabariensis (Szombathely, 1884)

43

clesiastici, qui volunt divites fieri, incidunt in tentationetn, et in laqueum diaboli, et desideria multa inutilia, et nociva, quae mergunt hominem in interitum, et perditionem. i. Tim. 6. v. (). Cum hujusmodi toti intenti sint pecuniis congregandis, facile officium suum penitus negligunt, aut certe segniter obeunt, ad vilia ministeria se demittunt, negotiationi, illicitisque acquirendi artibus se dedunt, erga se ipsos, suosque domesticos in supellectilibus, et victu sordidi, erga extraneos is hospitalitate parci, erga sibi commissos in juribus suis exigendis duri evadunt. Et quia radix omnium malorum est cupiditas, utinam tales non errent a fide, et inserant se doloribus multis! i Tim. 6. v. io. Utinam statum ecclesiasticum, et munus pastorale fine solius lucri temporalis, meliusque vivendi non suscipiant lUtinam charitate impulsi animabus serviant, et non potius sacrilega nundinatione sacrorum mysteriorum proditores efficiantur ! Sed forte et nunc cum Propheta quaeri potest: Quis est in vobis, qui claudat ostia, et incendat altare meum gratuito ? Malach. i. v. io. Verum vae ! pastoribus, qui pascunt semet ipsos, qui lac ovium comedunt, et lanis operiuntur; quod crassum est, occidunt, gregem autem Dei non pascunt. Deus enim vindex super Pastores, requiret gregem suum de manu eorum, et cessare eos faciet ab officio pascendi. Ezechiel. 34. v. 2. 3. 10. Quare cum omnis Clerici haereditas sit ipse Dominus, cunctos maximopere hortamur, et monemus, ut ab omni rerum temporalium cupiditate ita abstineant, ut avaritia nec nominetur in vobis, sicut decet Sanctos. Eph. 5. v. 3. Caveant a nimia oeconomiae cura, et superflua terrenorum sollicitudine, ac inprimis negotiationem, et quaestum vitent, quia sacris Canonibus gravissimis sub poenis privationis, depositionis, et excommuni-