Szily János: Instructio venerabilis cleri dioecesis Sabariensis (Szombathely, 1884)

— 166 —

tum fuisse, et faciendae semper collatum iri declaramus I-o. Jus absolvendi poenitentes in foro conscientiae a casibus Nobis reservatis. Ast non simul facultatem restituendi jus petendi debitum conjugale, quod etiam quoad alios facultate a casibus Nobis reservatis absolvendi pro definito, vel indefinito tempore instructos Ecclesiasticos pariter, et Regulares valere enunciamus. II-o. Jus benedicendi ecclesias, sacella, oratoria, et coemeteria, cruces, et statuas, imagines, et vexilla; item vasa, supellectilia, et paramenta ecclesiae, et altaris penes ministerium sacrum necessaria, quorum benedictio absque unctione perficitur. III-o. Jus deferendi cingulum rubri coloris.

10- o. Vice-Archidiaconi, dum ad instantiam particularium exmittuntur, ac negotia peragunt, consvetum quidem diurnum exigere poterunt, sed dum parochias visitant, praeter moderatum victum, et vecturam, aut in hujus locum 5 fi. nihil petere et nec sponte oblatum acceptare praesumant. Si enim quidpiam acceptaverint, intra mensem duplum restituere in conscientia tenebuntur, et si restitutionem ultra mensem distulerint, suspensionem ipso facto incurrent, tamdiu duraturam, donec duplum reipsa restituerint. Trident. Cone. Sess. 24. Cap. 3-0 de Reform. Tandem

11- 0. Vice-Archidiaconorum est, omnem adhibere sollicitudinem, ut Curati moribundi condito praevie testamento, sacramentis extremis provideantur. Item mortuos decenter quidem, sed absque superfluis sumtibus sepulturae mandare.