Szily János: Instructio venerabilis cleri dioecesis Sabariensis (Szombathely, 1884)

— I I 2 —

singulis nubentibus particulariter tradi volumus, ac ordinamus, ut Parochi sponsos, et sponsas ex rudimentis fidei, et obligationibus matrimonialibus, praesertim pie educandi proles examinent, ac instruant; nec antea eorum Matrimoniis assistant, quam omnibus necessariis sufficienter instructi fuerint, et sacramentalem confessionem, et communionem peregerint. Omnibus Matrimoniis trinas denunciationes tribus festivis, vel dominicis diebus praemittant; et si sponsus et sponsa in diversa Parochia fuerint, denunciationes in utraque fiant. Caveant ne peregrinos, et reliquos alienos parochianos absque licentia proprii Parochi copulent, et consequenter suspensionem ipso facto incurrant. Trid. Sess 24. c. /. de Reform. Matrun. Quoad vagas, ignotas, et in peregrinatione constitutas personas, ac opifices statuimus: ut nisi personae tales vel statum suum liberum edocuerint, vel mortem conjugis fidedigno extractu matriculari, aut authentico concernentis jurisdictionis politicae testimonio comprobaverint; ad Matrimonium nullo sub respectu admittantur. Absentia conjugis, quamcunque diuturna, aut qualiscunque demum probabili tas mortis nihil opitulatur. Nam lex de anno 1868 art. LIV. praescribit: „A halottnak nyilvánítási eljárás ahhoz képest, amint házassági végelválás vagy örökösödés czéljából kérelmeztetik , azon törvényszék előtt indítandó, melyhez a házassági illetőleg örökösödési perek vannak utasítva, stb.“ A vagis, et ignotis personis ante omnia requirant Parochi, et Administratores litteras baptismales ; ut notitia procuretur, an persona talis catholicis parentibus nata sit? Dein inquirant in statum personae, an sit reipsa libera, soluta, vel plane ligata? hunc in finem exhiberi curent cunctas testimoniales, quas persona talis