Széchényi Miklós: A Szent György vértanúról nevezett Jaáki Apátság története (Budapest, 1901)
72 A JAÁKI APÁTSÁG KIADATLAN OKLEVELEI IV. 1418 szeptember 7. Nos capitulum ecclesie Castriferrei memorie commendantes tenore presentium significamus, quibus expedit universis, quod cum nos ad instantem et legitimam petitionem magistrorum Purkhardi et Johannis dictorum Elderboh de Mo[ny]arohkerek, nostrum hominem, dominum Thomam presbyterum ecclesie nostre subcustodem ad infrascriptam possessionariam demonstrationem ac metarum reambulationem transmisissemus, tandem idem ad nos reversus nobis retulit istomodo, quod ipsi (igy!) die dominico proximo post festum beati Egidi abbatis proxime preteritum ad faciem possessionis Karachonfalua vocate et per consequens terre Tumeffelde vocate, dictorum Purkhardi et Johannis accessisset, eandemque iuxta simplicem demonstrationem eorundem Purkhardi et Johannis dictorum Elderboh, presentibus Petro, filio Elie de Avasalya, Petro et Vallentino, filiis Johannis, filii Petri de Nadalya, Sebastiano, filio Petri de Chakan, Michaele, filio Nicolai de Kueszarm, Nicolao, filio Petri de Nykus et Johanne, filio Ladislai de Torlodfalva, commetaneis dicte terre Tumeffelde vocate ac aliis vicinys et nobilibus comprovinicialibus tunc inibi existentibus, absente tamen abbate monasterii de Tyak et procuratore eiusdem a parte possessionis Lovazd vocate eiusdem monasteri (igy!) beati Georgi (igy!) martiris de eadem Tyak, harum metarum cursibus reambulasset. Quod primo incepisset supra ecclesiam beatorum Cosme et Domiani martirum ab oriente sub arboribus ilicis et pomi silvestris in antiqua meta, quam pro meta relinquissent et assignassent; deinde ad plagam occidentalem egrediendo veniret ad sanctuarium dicte ecclesie beatorum Cosme et Domiani martirum et abhinc ad plagam meridionalem flectendo et per eandem plagam eundo perveniret ad fontem wlgo Tumeskuth dictum, et deinde ad eandem plagam meridionalem transeundo perveniret ad fluvium Pinkwa vocatum, et abinde ad eandem plagam meridionalem in medio eiusdem fluvii eundo perveniret ad metas premisse possessionis Torrodfalva vocate, ibique terminaretur. In cuius rei memoriam presentes litteras nostras privilegiales pendenti sigillo nostro consignatas, medioque alphabeto intercisas annotatis Purkhardo et Johanni duximus concedendas. Datum quarto die termini prenotati, anno domini Mmo quadringentesimo decimo octavo, honorabili viro domino Egidio preposito, viris discretis magistris Nicolao cantore, Stephano custode, Johanne decano de Kysozko, ceterisque canonicis ecclesie nostre existentibus. Hártyán, alján a hártyán függött pecsét hiányzik, az országos levéltárban, Diplomatikai osztály. Nr. 10719.
