Géfin Gyula (szerk.): A szombathelyi egyházmegye története I. 1777-1928 (Szombathely, 1929)
Függelék
innotuerit, quod ob unius Vesprimiensis actu vacantis, ac alius Jaurinensis, et reliqui Episcopatuum Zagrabiensis, nimis amplas, easque diffusas Jurisdictiones fieri non potest, ut unus respective illarum Ecclesiarum Episcopus per se tantum suum, ut par est, Pastorale munus explere, ac singulorum Christi Fidelium, sibi vel praecipue commissorum, spiritualibus indigentiis prospicere, ac remedia incommodis quandoque inter unum Ovile Christi contingentibus, ea qua decet promptitudine afféré valeat, et idcirco Charissima in Christo Filia Nostra Maria Theresia Imperatrix vidua, ac Hungáriáé, et Bohemiae Regina Apostolica, quae pro ipsa Catholica militante Ecclesia, semper illustrioribus ditanda trophaeis contra humani generis inimicum magis in dies se studiosam ostendit, insinuaverit nobis, ut, si a supra dictis Episcopatibus infrascripti Comitatus per nos, ut infra perpetuo dismembrarentur, et intra illos, videlicet in oppido infra scripto novus Episcopatus erigeretur, opus quidem utile orthodoxae Religioni, ac ipsismet Christi fidelibus juxta ejus flagrantia desideria perficeretur. Nos audita prius super bis Congregationis venerabilium fratrum Nostrorum Sanctae Romanae Ecclesiae Cardinalium rebus consistorialibus propositae scientia, nec non attentis peculiaribus circumstantiis et accedente ad haec omnia venerabilium etiam fratrum Nostrorum modernorum Jaurinensis, et Zagrabiensis, respective Episcoporum, consensu, tam pia ejusdem Mariae Theresiae Reginae Apostolicae desideria fovere, illiusque desuper per suas Litteras Nobis datas oblatis precibus clementer annuere volentes, motu proprio, et ex certa scienta Dominia, Comitatus, et Districtus infra scripta, a Vesprimiensi, ac Jaurinensi, et Zagrabiensi respective Dioecesibus praescriptis, penitus ac perpetuo, tenore praesentium Apostolica authoritate dividimus et separamus, ac oppidum Sabariense nuncupatum, quod, sicut accepimus, B. Martini, dum viveret, Episcopi Patria extitit, juxta canonicas sanctiones Civitatis Episcopalis titulo, et honore, dicta Apostolica auctoritate etiam perpetuo decoramus, nec non Saecularem, et Collegiatam Ecclesiam in dicto oppido, per nos Civitatis Episcopalis titulo (ut praefertur) decorato existentem, illiusque Collegialitatis titulum, denominationem, naturam, et essentiam eadem Apostolica authoritate pariter perpetuo supprimimus et extinguimus, ipsamque Collegiatam 409
