Püspöki körlevelek 1938 (Szombathely, 1939)
— 30 — onere mittendi intra sex menses ad hanc Sacram Congregationem Consistorialem authenticum exemplar peractae executionis actus. Datum Romae, ex Aedibus Sacrae Congregationis Consistorialis, die 13 Martii 1938. L. S. Fr. R. C. Card. Rossi m. p. a Secretis. V. Santoro m. p. Adsessor. Hoc S. C. Consistorialis decretum rite exsecutioni mandatum inde a Kalendis Julii effectum sortitur. 1506. sz. S. Congr. Concilii de abstinentia et ieiunio in vigilia Nativ. D.-ni. Die 13. Nov. 1937. Species facti. — Novissimis temporibus nonnulli locorum Ordinarii huic Sacrae Congregationi exposuerunt haud parvas adesse difficultates in observanda lege abstinentiae et ieiunii in pervigilio Nativitatis Domini, sive ob inductam praxim celebrandi proximam festivitatem inde a pervigilio etiam epulis, qualitate et quantitate vetitis a lege, sive ob curas et labores quibus fideles et sacerdotes hac die premuntur. Quapropter iidem Ordinarii petierunt ut obligatio haec cessaret 'a meridie ipsius pervigilii, uti statutum est pro Sabbato Sancto in canone 1252 § 4 Codicis iuris canonici. Animadversiones. — Contra petitam dispensationem extare videtur peculiaris lex, de qua in canone 1252 § 2, ideo lata, ut fideles rite praeparentur ad pie sancteque Incarnationis Domini mysterium recolendum, cuius festivitas, quae inter maximas Ecclesiae catholicae recensetur, nonnisi absoluto eodem pervigilio seu a media nocte liturgice celebratur. Rationes vero, quae pro dispensatione efferuntur, non videntur solido niti fundamento. Et praxis in contrarium inducta potius abusus est dicenda, ideoque pro viribus adlaborandum est ab iis praesertim, quibus cura imminet animarum, ut removeatur. Extraordinaria praeterea sacerdotum ac fidelium in huiusmodi pervigilio defatigatio occurit fere ubique in universa Ecclesia. Ceterum in casibus particularibus praesto sunt principia theologiae moralis de causis a ieiunio excusantibus, necnon quae in canone 1245 § 1 statuuntur. Denique concessio per canonem 1252 § 4 facta quoad Sabbatum Sanctum adduci nequit in exemplum, cum Resurrectio Domini inde a meridie eiusdem pervigilii celebretur. Resulutio. — In plenariis autem comitiis, die 13 novembris 1937 habitis, Emmi Patres huius Sacrae Congregationis ad propositum dubium: „An et quomodo expediat concedere dispensationem a lege abstinentiae et ieiunii in privigilio Nativitatis Domini“, responderunt: „Negative, seu non expedire, et ad mentem. Mens autem est ut Ordinarii satagant opportunis instructionibus fideles inducere ad ius commune servandum.“ Quam resolutionem in audientia diei 18 eiusdem mensis referente subscripto S. Congregationis Concilii Secretario Sanctissimus Dominus Noster Pius PP. XI approbare et confirmare dignatus est. 1. Bruno, Secretarius. I. Feria IV, die 17 novembris 1937. In generali consessu Supremae S. Congregationis Sancti Officii Emmi ac Revmmi Domini Cardinales rebus fidei ac morum tutandis praepositi, audito RR. DD. Consultorum voto, damnarunt atque in indicem librorum prohibitorum inserendum mandarunt librum, qui inscribitur: Ernst Bergmann, Die natürliche Geistlehre. Et sequenti Feria VI, die 19 eiusdem mensis et anni, Ssmmus D. N. D. Pius Divina Providentia Papa XI, in solita audientia Exsmmo Domino Adsessori Sancti Officii impertita, relatam Sibi Emmorum Patrum resolutionem adprobavit, confirmavit et publicari iussit. Datum Romae, ex Aedibus S. Officii, die 25 novembris 1937. I. Venturi, Supremae S. Congr. S. Officii Notarius. II. Feria IV, die 1 decembris 1937. In generali consessu Supremae S. Congregationis Sancti Officii Emmi ac Revmmi Domini Cardinales rebus fidei ac morum tutandis praepositi, audito RR. DD. Consultorum voto, damnarunt atque in indicem librorum prohibitorum inserendos mandarunt tres libros a Petro Martinetti conscriptos, quibus tituli: Ragione e Fede; Gesú Cristo e il Cristianesimo; 11 Vangelo con introduzione e note. Et sequenti Feria V, die 2 eiusdem mensis et anni, Ssmmus D. N. D. Pius Divina Providentia Papa XI, in solita audientia Excmmo Domino Adsessori Sancti Officii impertita, relatam 1507. sz. Libi damnantur.
