Püspöki körlevelek 1931 (Szombathely, 1932)
II. 108. Nr. Indulgentiai calechesim tradentibus et suscipien tibus concessae. Pius Pp. XI. Ad perpetuam rei memoriam, a— Litteris Nostris Motu proprio datis die ! XXIX mensis Iulii, anno MDCCCCXXIII. ■ Nos apud Sacram Congregationem Concilii peculiare constituimus Officium, quod universam in Ecclesia actionem catechisticam moderaretur ac proveheret. Nunc autem eiusdem Officii Commissio catechetica, ad religiosam institutionem populi christiani ac praesertim puerorum magis magisque provehendam, enixas Nobis preces adhibet ut spiritualibus Indulgentiarum muneribus eos honestemus, qui christiani catechismo sive tradendo sive discendo operam praestent. Verum Decessores Nostri ree. mem. tum Paulus Pp. V. tum Clemens Pp. XII. huiusmodi spiritualia dona iam concessere, quae tunc temporis satis apta videbantur;. at nunc eadem augenda nostraeque aetatis necessitatibus congrua reddenda in Domino existimavimus. Abrogatis itaque indulgentiis ab iisdem Romanis Pontificibus hac in re antea concessis, conlato quoque consilio cum dilecto filio Nostro Sanctae Romanae Ecclesiae Cardinali Poenitentiario Maiore, de omnipotentis Dei misericordia et beatorum eius Apostolorum Petri ac Pauli auctoritate confisi, omnibus et singulis christifidelibus, qui per mediam circiter horam et non minus quam per tertiam horae partem doctrinae christianae tradendae vel discendae saltem bis in mense operam dederint, eodemque in mense bis lucrandam, diebus ad ipsorum arbitrium seligendis, Plenariam Indulgentiam, dummodo vere poenitentes et confessi ac sacra Communione refecti aliquam ecclesiam vel publicum oratorium visitaverint, ibique ad mentem Nostram seu Romani Pontificis preces effuderint, misericorditer in Domino concedimus. Praeterea christifidelibus iisdem, quoties per praefatum temporis spatium doctrinae christianae sive tradendae sive discendae operam navaverint, Indulgentiam partialem centum dierum, contrito saltem corde acquirendam, largimur. Non obstantibus contrariis quibuslibet. Praesentibus perpetuis futuris temporibus valituris. Datum Romae apud Sanctum Petrum, sub anulo Piscatoris, die XII mensis Martii anno MDCCCCXXX, Pontificatus Nostri nono. — E. Card. Pacelli, a Secretis Status. Cum respontione diei 13 Januarii anni currentis ad II (A. A. S., vol. XXII. pag. 43) per hanc Sacram Poenitentiariam, Officium de Indulgentiis, authentice declaratum fuerit saltem sex Pater, Ave et Gloria, de quibus in decreto diei 10 Julii 1924 sub n. IX (A. A. S., vol. XVI, pag. 347), in visitationibus ecclesiae ad Indulgentiam plenariam Portiunculae nuncupatam toties quoties ut aiunt, lucrandam necessaria esse ita ut hae ipsae preces in unaquaque visitatione solvi debeant; Ssmus Dominus Noster Pius Papa XI, uniformitatis gratia atque ad omnem hac in re dubitationis rationem auferendam, in audientia infrascripto Card. Poenitentiario Maiori die 4 Iulii 1930 impertita, id de omnibus Indulgentiis plenariis toties quoties lucrandis, pro quibus alicuius ecclesiae visitatio est iniuncta, benigne decernere dignatus est, ita ut in posterum oporteat et sufficiat eiusmodi preces in singu lis visitationibus in omnibus hisce casibus recitare. Datum Romae, ex Sacra Poenitentiaria Apostolica, die 5 Iulii 1930. — L. Card. Lauri. Poenitentiarius Maior. L. t S. I. Teodori, S. P. Secretarius. 109. Nr. Indulgentiae „Toties quoties“ cum visitatione ecclesiae coniunctae. Ssmus D. N. Pius div. Prov. Pp. XI, in audientia die 17. Octobris c. a. infrascripto Card. Poenitentiario Maiori impertita, vota sacerdotum in civitate Lauretanea occasione X. Eucharistici conventus nationalis coadunatorum libentissime excipiens, ad cleri devotio-110. Nr. Officii divini coram Ssmo Sacramento recitatio indulgentia plenaria ditatur.
