Püspöki körlevelek 1926 (Szombathely, 1927)
— 13 18. — Consiliarii per tres annos in officio manent sed iterum eligi possunt. 19. — E Consiliariis unus officium Secretarii alius Arcarii munus obibit, munera vero ab utroque praestanda, praeterquam ab officii natura, a Praeside statuuntur. 20. — Consilii regionalis est omni studio Piam Unionem in regionem promovere, stipem statuere a sodalibus ordinariis aut perpetuis solvendam, examinare atque recognoscere rationes accepti et expensi a dioecesanis Consiliis, Consilia dioecesana in eorum propria actione adiuvare ubi opus est, congressus Piae Unionis totius regionis indicere et alia huiusmodi. 21. — Quotannis Consilium regionale semel saltem convenit, convocante Praeside. 22. — Sedes Consilii regionalis a Praeside statuitur. B) — De Consilio dioecesano. 23. — Piae Unioni Cleri pro Missionibus in singulis dioecesibus praeponitur Consilium dioecesanum, constans Directore seu Moderatore et Consiliariis, quorum unus Secretarii, alius Arcarii munere fungitur. 24. — Tum Director tum Consiliarii ab Ordinario loci nominantur et ad illius nutum in munere permanent. 25. — Consilii dioecesani est Piam Unionem in dioecesi promovere, curare ut omnes sacerdotes illi nomen dent, et praecipue ut omnes adscripti, studio erga missiones animati, sanctum Associationis finem actuose prosequantur. 26. — Consilium dioecesanum bis in anno congreditur, et praeterea quoties Director illud convocare opportunum duxerit. 27. — Moderatoris dioecesani est, ineunte quoque anno, facta prius dioecesano Consilio relatione, transmittere ad regionale Consilium accepti et expensi nec non rerum actarum rationem adprobandam una cum indice novorum adscriptorum. 28. — Secretarius omnium actorum instrumenta conficiet tum conventus Consilii tum congressuum dioecesanorum, tum etiam rerum notabilium ad Piam Unionem in dioecesi se referentium. 29. — Arcarii munus est colligere contributiones a singulis membris solvendas, pecunias fideliter administrare et de iis quotannis Consilio dioecesaao rationem reddere. 30. — Sedes Consilii dioecesani a Moderatore seu Directore, de consensu Ordinarii, figitur. IV. — De Congressibus. 31. — Congressus regionalis omnium adscriptorum Piae Unionis Cleri pro Missionibus, totius nationis seu regionis, semel saltem singulis quinquenniis locum habebit, vicissim in locis regionis praecipuis, ad arbitrium Praesidis. 32. — Si forte ob rationes peculiares extra ordinem censeatur convocandus congressus, Praeses, adprobante Consilio regionali, Directores dioecesanos convocabit, eorumque deliberationi rem proponet. 33. -— In congressibus ordinariis Secretarius Consilii regionalis de iis referet quae ab ultimo Congressu memoratu digna acciderint. 34. — Arcarius vero rationem reddet de statu oeconomico Piae Unionis in regione. 35. — Congressus regionalis deliberabit de Piae Unionis statu, de mediis idoneis quibus adscriptorum amor et studium erga missiones sustineatur et augeatur, de rebus et de quaestionibus Consilio regionali propositis et ab ipso tractandis admissis; de postulationibus a Moderatoribus Operum missionalium oblatis et de ceteris huiusmodi. Absque explicito Consilii regionalis consensu non licebit disserere in conventibus de rebus ordine praestituto non comprehensis. 36. — Congressus doecesanus semel saltem singulis bienniis celebrabitur; extra ordinem a Directore, audito Consilio et adprobante Ordinario, ob iustas causas convocari poterit. 37. — Congressus dioecesanus similibus regitur praescriptionibus ac Congressus regionalis. FAVORES SPIRITUALES. I. — Indulgentia plenaria, suetis sub con! ditionibus lucranda, in festis: l.° Epiphaniae, 2.° SS. Apostolorum, 3.° S. Michaleis Archangeli, 4." S. Francisci Xaverii, 5.° semel in mense, die ad proprium cuiusque arbitrium eligenda, 6.° in articulo mortis, servatis servandis. II. — Indulgentia centum dierum pro quolibet pietatis opere in favorem Missionum expleto. III. — Facultas (dummodo adscriptus ad sacramentales confessiones audiendas sit approbatus): l.° benedicendi extra Urbem, unico Crucis signo, coronas, rosaria, cruces, crucifixos, numismata et parvas statuas cum applicatione Indulgentiarum Apostolicarum (Cfr. Acta Ap. Sedis, 1922, p. 143); 2.° benedicendi, unico Crucis signo, coronas iuxta typum rosariorum B.
