Püspöki körlevelek 1925 (Szombathely, 1926)
i VIII. Nr. 2824. De facultate baptismi domi conferendi extra mortis periculum. Sacra Congregatio de Disciplina Sacramentorum. Quaesitum est utrum sit iuri conformis praxis iuxta quam infantes, qui non versantur in periculo mortis, sed non sine periculo ad ecclesiam transferri possunt, domi sollemniter (i. e. cum omnibus caeremoniis etiam ablutionem praecedentibus) baptizentur a parocho above sacerdote de parochi licentia; nam ad ministrum necessitatis et in specie ad obstetricem non potest recurri nisi in necessitate stricte dicta, scilicet cum positive timetur periculum ne infans moriatur (C. S. Off. 11 ian. 1899.) et nonnisi in eadem necessitate omittuntur caeremoniae ablutioni praeviae (S. C. Rit., 17. ian. 1914. Cod. I. Can. 776. §. 1.). Quare praepositis dubiis: „I. Utrum supradicta praxis sit conformis iuri canico et, quatenus negative“: „II. Quomodo in casu procedi debeat“. In Congregatione Plenaria Emmorum Patrum, habita die 26 iunii currentis anni, iidem Emmi Patres ita responderunt: Ad I. Provedibetur in secundo. Ad II. Esse iuri conforme quod, si infans non versatur in periculo mortis, sed sine periculo ad ecclesiam ad normam can. 775 transferri nequit, Ordinarius, vi can. 776. § 1. n. 2., permittere potest, pro suo prudenti arbitrio et conscientia, iusta ac rationabili de causa, in aliquo casu extraordinario, quod domi baptismus solemniter administretur; aestimare autem casus extraordinarii gravitatem est remissum prudentiae et conscientiae ipsius Ordinarii in singulis casibus. Facta autem Ssmmo Domino Nostro Pio Papae XI. de praemissis relatione ab infrascripto Secretario Sacrae Congregationis de disciplina Sacrament, in audientia diei 4 iulii 1925. Ssmus Dnus Noster resolutionem Emmorum Patrum ratam habuit et confirmavit. Datum Romae, ex aedibus Sacrae Congregationis de Sacramentis, die 22 iulii 1925. t A. Capostoti, Ep. Thermen., Secretarius. Nr. 2825 Dubia circi impeditos a urbe adeur da ad iubi laeum lucrandum. S. Poenitentiariae Apostolicae proposita ® sunt dubia, quae sequuntur: i- I. Cum Constitutio Apostolico muneri, d. " 30 iulii anni 1924, sub n. VIII, ab itinere romano instituendo atque a basilicis visitandis pro indulgentia Iubilaei anni 1925 eximat etiam operarios, qui cotidiano sibi victum labore comparantes nequeunt se ab eo per tot dies atque horas abstinere; quaeritur, utrum nomine operarii ii soli intelligi debeant qui labori manuali incumbunt; an etiam illi, qui, arti non servili addicti, modicam ex eorum labore referunt retributionem, ita ut mediis destituantur Urbem peregre petendi. II. An indulgentia iubilaris hoc anno extra Romam ab iis etiam acquiri possit, qui, etsi mediis non careant Urbem petendi, domi tamen alia ratione detinentur, uti, v. gr., uxor a marito abire prohibita. III. In eadem Constitutione omnibus stabili impedimento detentis, si extra Urbem commorantur, conceditur ut bis intra Anni Sancti decursum iubilarem cansequantur indulgentiam: quaeritur idcirco utrum huiusmodi fideles hanc indulgentiam bis pro se consequi valeant; an semel quidem pro se, iterum vero pro defunctis. Omnibus mature perpensis, S. Poenitentiaria respondendum esse censuit: Ad Ium affirmative ad priman partem; negative ad alteram. Ad Ilum negative. Ad Illum negative ad primam partem, affirmative ad alteram. Datum ex S. Poenitentiaria Apostolica, die 9 martii 1925. Salvator Luzio, S. P. Regens. A. Anelli, S. P. Substitutus. Sacra Congregatio de Disciplina Sacramentorum. Versio ex originali italico cf. Acta Apóst. Sedis 1924. pag. 370. Litterae ad Rmos Ordinarios Italiae circa facultatem celebrandi missam sub dio ad normam Canonis 822. C. J. C. Illustrissime ac Rme Domine! Multi Ordinariorum Italiae gravibus implicantur difficultatibus quotiescunque ipsis incumbit decisio de petitis ad ipsos directis circa celebrationem SSmorum Mysteriorum extra aedificia sacra ecclesiarum, hoc est locorum ad exercitium cultus destinatorum. Sancta Sedes, quam iidem ordinarii in hac re consultavere, perpensa diligenti studio quaestione sequentia ad considerandum hisce ipsis in memoriam revocat. Notissima habetur ab omnibus regula ex traditione SS. Patrum recepta, ecclesiam nempe esse locum ordinatum ad celebrationem S. Missae. Immo fuere tempora, quibus celebratio nullibi extra ecclesias vel oratoria consecrata permissa erat. Attamen fluxu temporis Nr. 2826. De celebratione extra ecclesiam.
