Püspöki körlevelek 1909 (Szombathely, 1910)
— 8 — Ad 3. Pro aetate maiori, ad effectum de quo in casu, requiri annum vigesimum primum completum. Ad 4. Dummodo Episcopi Hungáriáé in ratione incardinandi laicos extradioecesanos et in conficiendis hac de re Statutis dioecesanis sequantur regulas ac concessiones in propositum a S. Congregatione factas, non requiri relationem ad S. Congregationem. Ad 5. Praevia quoad praeteritum sanatione, S. Congregatio, auctoritate Ssms Dni Nostri, Facultatem Emo Cardinali Oratori tribuit ad Quinquennium ut, quotiei desit ordinarius titulus S. Ordinationis a Ss. Canonibus praescriptus, sufficiat titulus dioecesanus iuxta hodiernam praxim inibi vigentem. f Vincentius Card. Ep. Praenest. Praef. B. Pompili Secret. Induito hoc apostolico in his documentis per extensum communicatis usi Antistites Regni Hungáriáé in conferentiis episcopalibus die 30. Januarii igog. conventionem inierunt, ut in posterum admissio laid extradioecesani in Seminario, dummodo fiat praeviis testimonialibus Episcopi proprii, haberi possit et aequiparari mcardinationis decreto et declararunt conventionem hanc — ut vim legis specialis permittentis pro universis Hungáriáé dioecesibus accipiat habeatque — inter statuta dioecesana esse referandam. Vigore praesentium declaramus et promulgamus lianc Antistitum Hungáriáé conventionem abhinc Statutum Dioecesanum consitutere. 2x65. sz. Adprobantur litaniae in honorem s. Ioseph sponsi B. Mariae V., eisque andnectitur indulgentia. Sua Sanctitas indulgere dignata est, ut Litaniae in honorem sancti Patriarchae Joseph a Sacrorum Rituum Congregatione adprobatae tum private, tum publice recitari ac decantari valeant. Decreti et Litaniarum tenor est sequens: URBIS ET ORBIS Sanctissimus Dominus noster Pius Papa X, inclytum patriarcham S. Ioseph, divini Redemptoris patrem putativum, Deiparae Virginis sponsum purissimum, et catholicae Ecclesiae potentem apud Deum patronum, cuius glorioso nomine a nativitate decoratur, peculiari atque constante religione ac pietate complectitur. Hinc supplicibus enixisque votis et precibus plurium sacrorum Ecclesiae Antistitum et Praepositorum ordinum religiosorum, praeeunte Abbate generali Cisterciensium reformatorum, libenter obsecundans, suorum Decessorum fel. rec. Pii IX et Leonis XIII exempla, acta et decreta de cultu ipsius S, Ioseph edita, toto animo ac voluntate per hoc novum decretum prosequi statuit. Eapropter, quo omnes et singuli christifideles, cuiusvis sexus, status et conditionis, cum filiali ac religioso affectu ac firma solidaque spe eximias Nazarenae Familiae nutritii et custodis virtutes frequenter recolant ac studiose imitentur, validamque opem, praesenti tempore, humanae familiae ac societati congruentem, iteratis invocationibus ferventer implorent, Litanias in honorem S. Ioseph, sacrorum Rituum Congregationis examini ac iudicio subiectas, atque ab ipsa dignas adprobatione recognitas, de eiusdem sacrae Congregationis consulto, ac referente infrascripto Cardinali Praefecto et Ponente, apostolica sua auctoritate adprobavit; easque in vulgus edi. atque in libris liturgicis, post alias Litanias iam adprobatas, inseri ita indulsit, ut in universa Ecclesia tum private, tum publice, recitari et decantari valeant. Insuper eadem Sanctitas Sua omnibus et singulis christifidelibus has Litanias in honorem sancti patriarchae Ioseph persolventibus, tercentum dierum indulgentiam, semel in die lucrandam, et animabus in expiatorio carcere detentis etiam applicabilem, benigne concessit. Contrariis non obstantibus quibuscumque. Die 18. Martii igog. L. f S. Fr. S. Card. Martinéin, Praefectus. f D. Panici, Archiep. Laodicen., Secretarius.
