Püspöki körlevelek 1904 (Szombathely, 1905)

— 3

Reparator omnium Iesus Christus, qui committens Apostolis munus procurandae hominum salutis, ait: „1'Jcce ego mitto vos sinit agnos iutm' lajtosdum aperte praenunciat quid sit ab, iis expectandum. qui veniunt in vestimentis ovium ut gregem furentur et mactent et perdant, Idem plane docet quae sint boni pastoris partes, quo studio tueri gregem oporteat divini sanguinis pretio redemptum, qua alacritate pro eiusmodi causa pericula sint atque ipsa mors obeunda: „Bonus pastor animam suam dat pro ovibus suis“. Huic obtemperantes voci, ab Ecclesiae primordiis ad hos usque dies, ex iis quos fatue mundus abhorret prope innumerabiles extiterunt. Hi „Facti omnium peripsema“ propter Christum, spoliati, oppressi, exagitati, impietatis conatibus obstiterunt impavidi, vires omnes conferentes ad fidem tuendam, quam suo tandem sanguine confirmarunt. Gloriosum hoc album augent fortissimi viri tres, MARCUS CRISINUS, Canonicus Strigoniensis, ortus Crisii, Croatiae in urbe principe, anno, uti creditur, MDLXXX, cum eoque STEPHANUS PONGRACZIUS Hungarus et MELCHIOR GRODECZIUS Silesius, uterque tam bene meritae simulque tot criminationibus temere impetitae Societatis Iesu sodales.

Tristes Cassoviensi urbi totique vicinitati saeculo XVII agitabantur dies propter incendium funesti belli, quod, a rebellibus Bohemis primo excitatum, Hungáriám quoque superiorem invaserat. Quo gliscente tumultu error impune grassabatur, occupatisque per nefariae factionis sectatores catholicis templis, eo res religionis devenerant, ut vere nova esset „abominatio desolationis in loco sancto“. Mediis iis fluctibus intrepidi sese obiecerunt Venerabiles Dei Servi, qui forte haud procul Cassovia degentes apostoliéi muneris causa, ubi primum senserunt huic urbi gravius imminere periculum, etsi satis conscii quae sibi barbari tortores pararent, eo statim convolarunt. Ibi comprehensi, •quaestioni de fide subiecti sunt, adhibitis una cum minis etiam illecebns, quibus, si fieri posset, ad eiurandam catholicam religionem permoverentur. At fortissimi Christi milites quum immobiles in fide persisterent, seque vitam pro ovibus libenter daturos profiterentur, impiorum iram sic incenderunt, ut nullum ferme acerbitatis genus hi praetermiserint, quo truculentior ipsis pararetur interitus. Itaque, tridui fame quasi enecti, nudantur, vinciuntur, raptantur, per contumeliam exsecantur, igneae ballistae rotula cruciantur, atteruntur; lateribus admoventur faces, adeo ut, exesa carne, ossa et viscera pateant; obtruncantur Marco et Melchiori capita suisque cum corporibus in cloacam proficiuntur una cum semianimi Stephano, qui horas prope viginti medio in illo sordium nidore immanique corporis cruciatu iacuit, antequam extremum anhelitum duceret. Horum martyrii, quod accidit in pervigilio nativitatis Deiparae anno MDCXIX fama longe lateque diffusa praeclarisque illustrata signis, PIUS X P. M., ex SS. RR. Congregationis consulto VIII idus ianuarias hoc ineunte anno MDCCCCIV de ipso martyrio eiusque causa et signis martyrium ipsum confirmantibus constare edixit. Id unum erat reliquum ut inquireretur utrum caelitum Beatorum honores TUTO praedictis martyribus decerni possent. — Itaque in conventu universo habito coram Sanctissimo Domino Nostro septimo calendas huius mensis quam Rmus Cardinalis Andreas Steinhuber causae Relator dubium proposuisset: „An stante approbatione martyrii et causae martyrii signis et miraculis a Deo illustrati et confirmati TUTO procedi jtossit ad solemnem horum Venerabilium Servorum Dei Beatificationem“. Rmi Cardinales et PP. Consultores suam singuli protulere sententiam ; SSmus Dominus Noster vero, etsi comperta assertorum signorum veritate, solemne Suum iudicium distulit in alium diem.

Hodierna vero die. Dominica prima in Quadragesima, idem SSmus Dominus, sacris pientissime operatus nobiliorem aulam Vaticanae aedis ingressus et pontificio solio assidens, accersiri iussit Rmos Cardinales Seraphinum Cretoni S. Rit. Congregationi Praefectum, eiusve loco et vice Aloisium Tripepi ipsius S. R. C. Pro-Praefectum, et Andreám Steinhuber causae Relatorem, una cum R. P. Alexandro Verde Sanctae Fidei Promotore meque infrascripto a secretis, iisque adstantibus solemni decreto sanxit: „TUTO procedi posse ad solemnem Venerabilium Servorum Dei MARCI CRISINI, STEPHANI PONGRACZ, MELCHIORIS GRODECZ Beatificationem-. Hoc autem Decretum