Püspöki körlevelek 1899 (Szombathely, 1900)
// Adm. Rev. DD. Yice-Archidiaconis, cunctisque almae dioecesis Sabariensis Presbyteris Salutem a Domino ! Ineffabili cum moerore animi annunciare cogimur, defecisse gaudium cordis nostri, versum esse in luctum chorum nostrum, cecidisse coronam capitis nostri. Placuit quippe Deo Antistitem nostrum Illustrissimum ac Reverendissimum Dominum Cornelium Hidasy, Patrem in Christo optimum, Praesulem Nostrum amantissimum, invictum Catholicae fidei assertorem; Antistitem inconcussa penitus erga S. Sedem Apostolicam et Christi in terris Vicarium fidelitate intemerata et adhaesione firmissima conspicuum, devotissime susceptis Ecclesiae Sacramentis, et impertita Eidem Benedictione Suae Sanctitatis, Summi Pontificis, die 11. Octobris, hora 10. vespertina, e vivis excipere, et e mortali hac aeruumnis haud quaquam vacua vita ad immortalitatis deducere Sedem. Tristem huncce eventum ad notitiam Adm. Rev. Dominationum Vestrarum pro munere nostro, ac eo cum adnexo perferre festinamus, ut omnes Curati et Religiosi Ordines opportuno die in confluxu populi fidelis eatenus debite informandi pia Suffragia pro anima in Domino denati Praesulis persolvant ita, ut pridie vespere longior fiat pulsus campanarum in omnibus Ecclesiis Parochialibus et Religiosorum Ordinum; die vero sequenti, in refrigerium animae Eius, Sacrum Cantatum de Requiem cum „Libera“ celebretur, et eodem die tam matutino quam postmeridiano tempore campanas pulsari curent, ütve ipsémét Vice-Archi-Diaconus in Consortio adminus unius e districtualibus S. Curionibus die 15. Octobris pro hora nona matutina ad celebrandum pie denati Episcopi funus designato horsum compareat, quando pretiosae Exuviae post celebrandas solemniter in Ecclesia Cathedrali Exequias, in crypta episcopali recondentur. Caeterum animam Eius piis suffragiis Commendantes, cum propensione persistimus Adm Rev. Dominationum Vestrarum Sabariae, die 12. Octobris 1900. Addictissimi in Christo Fratres: Catii, Eccl. Sabariensis Capitulum de Castro Ferreo.
