Püspöki körlevelek 1857 (Szombathely, 1858)
Dum his praemissis DD. Vestras paterne eo invio: ut qua verbo, qua opere cooperari adnitantur, quatenus tanta, quae pro religionis etiam dictamine decet, cordialis devotio, et homagialis obsequii reverentia Sacratissimis Suis Majestatibus ubique exhibeatur, simul subnecto Ordinem excipiendi Suas Majestates Sacratissimas, ecclesias in Dioecesi ingressuras a. 4857. In Ecclesia Cathedrali Suae Majestates Sacratissimae hoc modo excipientur: Praesul dioecesanus pluviali, mitra et pastorali vestitus, Capitulares mozettis, Clerus denique totus rochetis, Religiosi suo modo induti, ad fores Ecclesiae adventum Majestatum praestolabuntur, populo cum vexillis in duplici serie consistente. Post profundam reverentiam per totum Clerum ad fores adpropingvantibus Majestatibus exhibitam, Praesul Imperatori, tum Imperatrici porriget pacificate ad osculandum et aspersorium. — Tum sub pulsu . organi, praelata immediate ante Caesarem per Canonicum cruce apostolica, deducentur ad Sanctuarium, et in faldistorio (throno episcopali) decenter ornato, longiore flexorio eoque contecto, et sella duplici proviso, locabuntur. Crucifer Canonicus consistet ad dextram infra gradus faldistorii, Episcopus autem cum assistentibus ante aram: „Te Deum“ intonabit, quod in choro musico solenniter, sed pro posse brevius decantabitur. Huic subnectetur et Oratio: „Deus, cujus misericordiae,“ cui sub una clausula adjicietur „Pro Rege“ cum hac modificatione: „Quaesumus omnipotens Deus, ut „famulus tuus Franciscus Josephus Imperator ex Rex noster, qui tua miseratione suscepit Regni „gubernacula, et conjux ejus Elisabeth Imperatrix et Regina nostra virtutum omnium percipiant incre„menta, quibus decenter ornati, ad te, qui via, veritas et vita es, gratiosi valeant pervenire. Per Do„minum.“ — Post haec dat Episcopus solennem benedictionem per: Sit nomen Domini — Adjutorium — Benedictio Dei omnipotentis Patris i et Filii f et Spiritus S. t descendat super Imperatorem et Regem nostrum ejusque conjugem Imperatricem et Reginam nostram — et super vos omnes et maneat semper. Amen. Tum eodem modo, quo ingressae fuerunt, educuntur Suae Majestates ex Ecclesia. In aliis quoque Ecclesiis non Cathedralibus eodem modo per parochum pluviali vestitum, quantum fieri potest, assistentibus stipatum, ac per populum in seriebus cum vexillis consistentem, ad fores Ecclesiae Suae Majestates Sacratissimae reverenter excipientur, et crux ad osculandum ac aspergillum Eisdem porrigetur, et sub pulsu organi ad Sanctuarium deducentur. Pro Suis Majestatibus parentur decenter obtecta flexoria et duo sedilia, super tapetibus locata, ad cornu Evangelii. Praeferatur quoque crux Majestati Imperatori, si decens haberi poterit. Dum ad aram ventum fuerit, Officians excipiat Venerabile in monstratorio, interea canatur per populum: Sanctus Sanctus — fiat Incensatio, et per: Sit nomen Domini etc. eo modo, ut supra notatum habetur, detur benedictio. Recluso Venerabili — eo modo quo inductae sunt Majestates, educuntur ex Ecclesia. Frandicui Episcopus m* p.
