Püspöki körlevelek 1857 (Szombathely, 1858)

.• Ecclesia et monasterium Basilitarum in Kis-Berezna Dioecesi Munkácsiensi indilata reparatione indi gent. Ad tegendas reparationis expensas 6237 fl. requiruntur. Cum Basilitarum Conventus tantis expensis impar sit, S. C. R. Apostolica Majestas eidem Conventui 721 flnor. subsidium clementissime resolvere dignata est. Ut reliquae quoque expensae legi queant, DD. Vestras ad piam cum suis fidelibus eleemosynam faciendam in Domino provocandas duxi. Oblata quamcunque exigua medio Vice-Archidiaconi Districtus usque 15-am Maji a. c. ad Officium meum Dioecesanum promovebunt.

III. Carolum Hoppéi, 43 annorum, catholicae religionis-, coelibem, scholae filialis Klein-Haugsdorf Austriae Inferioris Magistrum ob crimen seductionis ad luxuriam ad duorum annorum carceres graves damnatum et ad munus docendi ineptum declaratum fuisse, in effectum gr. Exc. C. R. Consilii Sectionis Soproniensis Rescripti ddto 24-ae Februarii a. c. Nro. 4291 DD. Vestris pro debitae notitiae statu significatur.

FRANCISCUS Eppus m. p.