Püspöki körlevelek 1857 (Szombathely, 1858)
Datum Sabariae die 19-a Junii 1857. Nro. 1072. E. VII. I* Ab Eminentissimo ac Reverendissimo Domino Joanne S. R. E Presbytero Cardinale Sdtovszky, R. H. Principe Primate e.t Archi-Episcopo Strigoniensi duas successive percepi Bg. litteras, quarum tenor est sequens: 1432. Illustrissime ac Reverendissime Doming Episcope! Cellensem Deiparae Virginis imaginem majorum etiam nostrorum maxima frequentia, sensibili devotione, ac pia munificentia sacratam fuisse, annales loquuntur. Sacra pignora, quae ibidem hodie adhuc visuntur, sat superque testantur tam Regum et Praesulum, quam Nobilium et Civium patriae nostrae erga magnam'suam Dominam devotionem, pietatem ac fiduciam. Septimum anno curr. vertitur saeculum, ex quo ad gratiosam hanc imaginem omnis aetas, sexus et conditio miro nisu fertur, jam sanitatem in aegritudine, jam auxilium in tribulatione, jam consolationem in tristitia, incrementum denique pietatis vel sauciatae conscientiae medelam quaerendo. Si quando nunc certe opportuna est occasio priscam in fidelibus nostris pietatem resuscitandi. Praeteriti temporis, ac nobilissimorum, quos aetas illa tulit fructuum rememoratione pietatem erga Immaculatam Dei Genitricem majorem in modum inflammari non ignoro quidem; dubitari tamen non potest, saluberrimum hunc scopum longe facilius et securius obtineri, si vestigia majorum nostrorum ingredi, ac concordi pietate opem Virginis Matris ibi implorare libuerit, ubi Patres nostri tanto cum devotionis ardore adoraverunt, et tam splendida religiositatis suae pignora reliquerunt. Hinc firmum mihi est propositum, largiente Domino, ad Cellas Marianas peregrinandi ac festum Natae Virginis solenniter ibi celebrandi. Eo autem majus erit gaudium meum, quo plures e fidelibus meis mihi semet associaverint. Hinc jam modo ordines dimitto ad Clerum meum, utque creditos sibi fideles ad piam hanc peregrinationem omni meliori modo excitare contendat, majorem in modum hortor. An etiam memoriale quoddam ad exemplum Praedecessorum meorum Dei Matri oblaturus, vel saltem monumenta ab illis relicta renovaturus et ornaturus sim, immutabile consilium necdum inivi, facere tamen intendo, quod facultates meae admittent. Hoc meum propositum eum in finem communico cum IllustritateVestra, ut si illud probatum fuerit, simile consilium inire et in effectum deducere dignetur. In reliquo aestimatissimis affectibus commendatus, singulari cum cultu persisto Strigonii Festo Annunciationis B. M. V. 1857. . Ulustritatis Vestrae obligatmus servus Joannes Card. A.-Eppus. Nro. 2357. Illustrissime ac Reverendissime Domine Episcope! Termino, quem pro visitanda gratiosa Deiparae Virginis Imagine in Cellis Marianis praestitui, quaelibet dies nos propiores facit. Ideo in nexu litterarum mearum ddto 25 ae Martii a. c. nonnulla Illustritati Vestrae significanda esse duxi. Et quidem: 1- o Die 3-a mensis Septembris, nisi gravi de causa terminum hunc mutari oporteret, movebit processio Posonio; caeteri fideles, qui aliunde movebunt, iungent se huic in illa statione, qua ipsis eundum erit. In proxima tamen loco sacro, ad summum % hora distante statione omnes, unde unde venientes se unient, et ductu solenni Cellas Marianas, me in consortio Episcoporum, Canonicorum aliorumve ex Hungária Presbyterorum, officiante, cum Statua B. M. V. crucibus, vexillis, cereis, facibus, ingredientur. 2- 0 Fideles secundum idioma, quod loquuntur, in tres sectiones dispertientur, qpo sic pia cantica et preces sibi jam notas sub directoribus suis majori cum harmonia persolvere possint; una vero quaelibet sectio habebit quoque per horas et spatia itineris, pro continuo in medio sui aliquot presbyteros velut Officiantes, et pietati intendentes, aliis presbyteris pro lubitu hic et ibi pedisantibus aut curru procedentibus. 3- 0 Sacerdotes, qui ad concionem dicent, praevie designabo; nam primo quidem moxPosonii pro singula sectione missa „pro peregrinantibus“ et Cohortatio distinctim et successive, v. g. hora 4. 5. 6. haberi debebit,' ut hora certa, v. g. 8-a matutina e Collegiata Ecclesia in simul tota hominum massa in sectiones tarnen divisa exire possit. Dein in ipso loco sacro die adventus ad vesperam — die ipso festo mane — et sequente festum die, triplici lingva continuative pro singula sectione sermo et missa dicetur. Et ideo adminus cum initio Augusti gratum mihi esset, scire jam in antecessum, quinam ex dioecesibus sacerdotes piam hanc peregrinationem mecum suscipere intendant. Sacerdotes rocheto, stola et bireto, qui vero pontificalibus utuntur, pluviali etiam et mitra provisi sint. Haec omnia curribus per me constituendis vehentur.
