Püspöki körlevelek 1855 (Szombathely, 1856)
Dí)tűni Salmriae die 31 ma Januarii 1855. Nro 115. E.ir" Adpropinquante s. quadi-agesimae tempore, cum quosdam fidelium arcta adjuncta domestica, alios valetudinis, et officii ratio a conscientiosa legis jejunii observantia cohibeant, horum indigentiis spiritualibus hoc tempore enasei solitis succursurus, facultatem a Summo Pontifice Pio IX. die 13-a Martii a. 1853 ad beneplacitum mihi concessam hujus tenoris „Dispensandi, quando expedire videbitur, super esu carnium, ovorum, et 1 act ici ni o r u m tempore jejuniorum, et quadragesimae" DD. VV. eo addito delego: ut cunctis fidelibus in lege jejunii quadragesimaiis e fundatis causis dispensationem impetrare cupientibus, hanc pro singulis — praeter ferias 4, 6, et dies sabbathi, relate ad quas disciplinam jejunii sancte observari volo — quadragesimae ingruentis diebus usque Dominicam Passionis inclusive, et eo addito concedere valeant: ut omnes dispensationis participes una tantum vice per diem carnibus vescantur, et singulis, quibus hoc fit, diebus 5 Pater, et totidem Ave ad intentionem S. Matris Ecclesiae persolvant. Siquis S. Curionum hanc legis veniam ex sufficientibus rationibus in semet extendendam desideraret, in effectum specialis recursus dispensationem impetrabit. In nexu cum jejunio, de eleemosyna ad DD. Vestras verba facere decrevi. Eleemosynam Deo gratum esse misericordiae opus, sciunt, et fideles suos docent DD. Vestrae. Cum igitur certa sint Ecclesiae Catholicae propagandae instituta, quae unice piis fidelium oblatis, seu eleemosyna, sustentantur, Missiones intelligo Americae septemtrionalis , Africae interioris , et Hierosolymitanam, verbis S. Augustini: „Eleemosyna mundat p ecc a ta , et i psa i nter pell at pro nobis ad D o minum; quia quidquid pauperibus dederimus, ipsum integre possidebimus" utendo DD. Vestras in Domino exoro: ut ipsaemet singulo anno quamcunque exiguam summam offerentes fideles suos provocent, quatenus illi tempore, quod maxime opportunum censebunt DD. Vestrae, occasione Offertorii quamcunque exiguam quantitatem in nomine Jesu titulo eleemosynae dictis institutis obventurae ad altare Domini offerendo Deum sibi propitium reddere, atque thesaurum aeternum acquirere satagant probe scientes, Deum omne exiguum donum, quod in Ecclesiae suae propagationem oblatum fuit, aeternae beatitatis gloria remuneraturum esse. Quibus praemissis, DD. Vestris, quas huic meae intentioni corresponsuras esse spero, committendum duxi: ut quivis Parochus, vel parochiae Administrator suum, et —si adfuerit Cooperator, vel alter Presbyter, —horum, nec non fidelium oblatum usque 26-am Decembris cujusvis anni ad Vice- Archidiaconum districtualem promoveat, qui dein omnium Parochiarum oblata cum suo, et fidelium suorum oblato usque ultimam Decembris ex Officio ad Officium dioecesanum promovebit. • Ut omnes parochiae philyris matricularibus Baptisatorum , Copulatorum, et Mortuorum provideantur: tales philyrae eo, qui necessarius erit, numero inprimentur. Quo ex incidente DD. Vestris hisce committo; ut, qui philyris istiusmodi indigent, hoc ipsum usque 30-am Martii a. c. medio Vice- Archidiaconi Districtualis exponant, atque simul pretium desideratarum philyrarum — 24 philyrae 40. xr. Cm. constant — eadem occasione ad Officium meum Dioecesanum promoveant Frnnciscus Episcopus m. p.
