Püspöki körlevelek 1855 (Szombathely, 1856)

Datum Sabariae die 26-a Octobris 1855.

Nro. 1201.

E. IX.

Ut Schematismus totius Imperii fidedignis Datis cohaerenter adjustari possit, in specie: ut ea Data, quae Exc. C. R’ Ministerium Internorum relate ad Dioecesim Sabariensem sibi exhibenda intimavit, eidem fidedigne administrari possint, Districtus hujus Vice-Archidiacono committendum habeo, ut relate ad Districtum hunc sequentia referre velit:

1. Districtus hic ecclesiasticus seu Vice- Archidiaconatus in quem, aut quos Districtus politicos (politische Amtsbezirke) semet extendat.

2. In Districtu hoe ecclesiastico, quot sint scholae Capitales ? (Hauptschulen) quae sint illae nominetenus, quis earum Director, quot sint in respectivis scholis Capitalibus principales, et inferioris ordinis Magistri, item Praeceptores? (Ober-Unter-Lehrer, und Gehilfen) item quot sint in singulis ejusmodi scholis Alumni ?

3. In eodem Districtu ecclesiastico, quot sint in matribus et filiabus scholae elementares (trivial-Schulen) quot Docentes? in specie: quot principales et inferioris ordinis Magistri, et Praeceptores? item quot Alumni ?

Vice-Archidiaconus igitur, in quantum Data subministranda eidem non constant, mediantibus his ad singulos Districtus sui Parochos et Administratores via brevissima indilate expediendis Data praeexposita procurare, et intra tempus, quo fieri poterit, brevissimum— adminus usque 25-am Novembris a. c. Officio meo Dioecesano exhibere adnitetur.

A singulis Parochis et Administratoribus ea, quae habito ad eorum Parochias respectu referenda sunt, ad Vice-Archidiaconum indilate promovenda esse, suapte intelligitur.

Franciscus Episcopus m. p