Püspöki körlevelek 1854 (Szombathely, 1855)

Sabariae die 3-a Octobris 1854. Nro 1665.

S Ut fundationum, et legatorum piorum praeexistentium Status per C. R. Supremum Exactoratus Regnicolaris Officium consignari, atque in jugi evidentia conservari possit', Exc. C. R Consilii L. H. Sectio Soproniensis — cohaerenter cum Exc. R ^Consilii L. H. Intimato ddto 7-mae Junii a. 1784 tNro. 12996 — vigore Rescripti ddto 23-ae Septembris a. c. Nro 14758 gr. intimavit; ut per C. R. Officia juridico-politica districtualia nunc quidem omnes intra Districtuurn respectivorum ambitum praeexistentes fundationes , et pia legata juxta certa formularia consignentur , et via C. R. Praesidii concernentis Comitatus ad praedictam Sectionem transponantur ; in posterum vero i. e. a prima Octobris a. c. omni semestri fassiones super novis etiam minimis fundationibus et legatis eidem Sectioni exhibeantur, ita quidem:

1. Ut Consignationes Semestrales juxta annum militarem conficiantur. Quare primum Semestrem a prima Novembris usque f. anni ultimam Aprilis, secundum Semestrem vero a prima Maji usque ultimam Octobris computari oportebit.

2. Ut quaevis fundatio aut legatum testamenti respectivi vel Contractus desuper initi Copia illustretur.

3. Ut omnia legata magna aeque ac parva, quae pro Ecclesiis, Capellis, S. Statuis, Sacris perpetuis vel illico absolvendis, Parochiis, Ludirectoribus, Studentibus, Viduabus, Orphanis, Hospitalibus, Nosocomiis, Pauperibus, Mendicis, etc. fiunt, in istas Consignationes inferantur, imo etiam talia, quae juxta mentem testatoris illico inter pauperes vel infirmos in quocunque instituto degentes distribuenda forent, in rationibus annuis, quas sufficientibus documentis roborari oportebit, ceu perceptiones assumantur , et in respectiva rubrica iterum inter erogationes referantur.

Cum Consignationes istae per respectiva C. R. Officia juridico-politica districtualia absque cooperatione Dominationum Vestrarum confici nequeant, in effectum Rescripti praeattacti Eisdem committendum duxi: ut antelatorum C. R. Officiorum Organis, a quibus hoc in merito interpellabuntur, promptam subsidiariam operam locare, et nunc quidem omnes intra respectivarum parochiarum ambitum praeexistentes fundationes, et legata pia juxta formularia Dominationibus Vestris a C R. Officiis juridico-politicis districtualibus tradenda consignare, eisque resignare; in posterum vero omni Semestri aut novarum — si quae fierent — fundationum, et legatorum piorum Elenchum resignare, aut si nullae fierent, hoc idem eisdem Officiis juridico-politicis districtualibus declarare non recusent.

11. Ex Encyclicis meis ddto 18-ae Augusti a. c. Nro 1355. 2-do b) patet: post diem 20-mam Februarii a. f 1855. pro beneficio vacante — praeter dispensatos — neminem praesentari, nec ab uno beneficio ad aliud transferri posse, nisi Synodale Examen praecedenter subivisset.

Hmc in favorem actualium Parochorum, stabilium Administratorum, et novem annorum completorum Presbyterorum, qui nonnisi usque praedictam 20-mam Februarii a. f. diem, quin Synodale Examen subirent, pro vacantibus beneficiis praesentari possunt; futuro anno 1855. non tantum mensibus Majo, et Septembri, sed etiam diebus 13, 14, et 15-a Februarii Examen Synodale asservandum decrevi, pro quo subeundo etiam reliquis trium annorum completorum Presbyteris comparere licebit. Hoc concernentibus eo addito notum redditur; ut qui isthoc tempore Examen Synodale subire intendunt, hoc idem usque 3-am Februarii a. f. Officio meo Dioecesano notum reddant.

Franciseus Episcopus m. p