Bél Mátyás: Sopron vármegye leírása II.; C sorozat 3. kötet - Sopron Város Történeti Forrásai (Sopron, 2006)
SOPRON VÁRMEGYE LEÍRÁSA
du Vall Comitem a Dampierre, insigni in hostes strage facta, et submoto ab obsidione hoste, et in fugam acto, liberareris: Verum etiam in diuersis et pluribus, tam in publicis tractatibus Commissarii regii officio perfungendo, cum praedicti principis Transiluaniae similiter delegatis Commissariis, nominatim autem in anno millesimo sexcentesimo decimo nono, in oppido Karoly, postmodum etiam in ciuitate Hamburgensi Austriae, in anno millesimo sexcentesimo vigesimo secundo: item in ciuitate Nikolspurgensi Marchionatus Morauiae, anno millesimo sexcentesimo vigesimo quarto, quam etiam expeditionibus bellicis, signanter autem, dum, memoratus princeps Transiluaniae iterato aliarum quoque ditionum factiosis et rebellibus sese coniungendo numerosis copiis, arcem et ciuitatem Posoniensem, obsidione cingeret, et populabundus in vicinas terras hostiliter grassaretur, ad propulsandam vim hostilem exercitu nostro in insulam Challokoz expedito te quoque Commissarium praefecimus. Tum etiam maiorum ac maiorum dignitatum et honorum virtuosa et laude digna aemulatione ductus, meritis et virtutibus tuis id iure exigentibus in anno Domini millesimo sexcentesimo vigesimo secundo, Te in iudicem Curiae nostrae regiae in Hungaria et simul in generalem confiniorum nostrorum antemontanorum, ac praesidii nostri Vyuariensis supremum Capitaneum elegimus et constituimus, in qua quidem functione, strenue nec laboribus fracto animo desudans, praestans exemplum virtutis et ingenui erga patriam, et christianam rempublicam affectus tui symbolum exhibuisti. Dum iam fato principe Transiluaniae, ruptis et violatis S. S. pacificationis secum initae legibus per summum sacrilegium, neque temerario solum, sed etiam plus quam barbarico ausu et furore clancularie coactis copiis, asscitisque in societatem belli Turcis, perennibus et naturalibus hostibus nominis christiani, adiunctisque sibi numerosis turcarum, sub ductu Bassae Boszfl 17p]nensis et Agriensis, militantibus copiis, peruagata Hungaria, etiam in Marchionatum nostrum Morauiae penetrando, ferro flammaque in obuia quaeuis saeuiens, ingenti praeda onusti, recurrentes, multa animarum millia absque discrimine sexus, in diram barbarorum seruitutem abduci fecisset, tu contractis aliquot 17 praesidiariorum in Confiniis stipendia nostra merentium exiguis, quos breuitas temporis patiebatur, turmis, innumeris paene copiis hostibus audacter te opponendo, aperto in campo, semel atque iterum manus conseruisti, factaque in illis insigni strage, vim et audaciam vindicasti et compescuisti, ac non solum haudquamquam contemnendis spoliis et exuuiis hostilibus obtentis, vexillis primariis et praecipuis turcis captis, plurimisque caesis, victoria non exigua posita triumphum reportasti, verum etiam magno numero mancipiorum in libertatem asserendo, Viennam in Augustam aulam nostram inuexisti, quo quidem heroico tuo facto, nihil omnino contingere potuit, aut ad dignitatem honestius,
