Bél Mátyás: Sopron vármegye leírása II.; C sorozat 3. kötet - Sopron Város Történeti Forrásai (Sopron, 2006)

SOPRON VÁRMEGYE LEÍRÁSA

templum Monialium: cuius insignia hodieque ostentat. Paries lapide vndique, et laterculo instructus, venusto intus fornice, concameratus est. E sinistro aedis latere, aditus est ad suggestum, eleganti artificio perforatus. Ara splendida, quam vtraque parte, sedilia succingunt, ex materia cerri, piniue fabrefacta. Adiunctum aedi coenobium est, ex cuius vestibulo, specus templum subit, sepulturae Domus Es^terbd^iae, efformatus. In aditu leuis descensus, spatium ostendit longius quidem, quam latius, in cuius medio, duo cippi marmorei, PAVLLI principis ossa, cum coniuge, cooperiunt. In pariete, versus sinistram, loculus visitur, muro inditus, ea longitudine, quae staturam hominis adaequet. In hoc funus adseruatur,

2 primae coniugis, quam e domo Es^terbd^ia, princeps duxerat. Incredibile dictu, cadauer est adhuc integrum, omnibus membris, quibus humanum corpus absoluitur, inuicem cohaerentibus. Mulierem stare putares, viuam et vestitam splendide. Nam PAVLLVS quidem, quoad vixit, nouo habitu, in annos singulos exornatam, erigi in hoc loculo, vitroque et reticula ferrea, ne adtemeraretur, concludi curauit. Plane mumiam tekrtAegyptiacam. Nam, et ita vulgo existimant, hanc, cadaueri perpetuitatem, arte inductam esse pollinctoria: quod iam non est locus disputare. Tertia aedes sacrarum est virginum, quae a D. Aitgustino nomen, viuen[p. 87.]dique ritum accepere. Fundauit et hanc, celsissimi animi, princeps PAVLLVS ESZTERHAZI beneficiisque ita ornauit, vt non paucae virgines, aetatem, requieto vitae genere, isthic iam transmittant. Ceterum, ipsa aedes, spectati licet operis sit, et sacri adparatus diues, reliquis tamen exilior multo. §.V. Curia, forum et vici ciuitatis: Praetorium vrbis, loco insedit perquam commodo. Aedificio amplo est, tricliniis opportunis, laeto adspectu, et substructione, non splendida magis, quam solida. Forum silanis diffiuit, copiosis iis, et saluberrimas aquas, in altum eructantibus. Deducendis enim fontibus, locus non alius aptior. Scilicet, quidquid in obiecto editoque monte laticis salit, prono admodum huc lapsu, deriuaueris. Quid? quod solum quoque vrbanum: quippe, radicibus montis subsitum

b) puteos, vbiubi cauentur, vberes exhibeat, frigidos, et multae salubrkatis. Hinc, vix vllam domum repereris, quae fonte, idoneo loco, depresso careat. Alioquin, vrbis aedificia e lapide tophaceo, et incocto laterculo, instructae sunt, ordine pulchro et decenti, vt plateis iusto interordinio, spatium sit, quam pro vrbis mole, laxius. Sed Sub radicibus montium, inquit PALLADIVS, etin saxis silicibus, vberes,frigidae, salubres, scilicet, sunt aquae, maximesiin septentrionaliparte fodiantur. De Re Rust. Lib. ix. Tit. vni. 3. Edit. Gesnerianae p. 974.