Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
premendo ilium scil(icet):) zu ehren, auff den buchstaben blos gegangen in einem vertrag. Dona et favor in iudice plus valent interdum quam 100 Leges in codice. NB. Etliche wollten gern den vralten brauch schwechen vnd einer sagte, er wolte disen brauch im Tarnakrecht vmbstossen, daß was zwai ehleuth mit einander in wehrender eh erkhauffen (:wan gleich nur ein thail sein gellt darzue geben, der ander ehgatt aber Nichts darzue hat khonnen auß armut legen:) das ein gesambts guet sein vnd bleiben solle. Item. Das man einem weib ir zuebringen erstatten soll, vnd noch darzue: waß sy mit irem zuebringen wan sy < es > ir zuebringen verkhaufft mit irem man: vnd ein ander grundstukh mit irem Man damit erkhaufft; auch alß ein gesambts guet volgen laßen soll: das haißt aber zwaimal Nemen vor einer Thir, vnd der ander ehgatt oder pupill waiß wurde also mit zwaien ruethen gleichsam gestrichen. (86 r ) [Anno 1616.] A(nn)o 1616 Ist die Verfolgung in der grafschafft Forchtenstein vnd Herrschafft Eisnstadt mit Macht angangen, vnd wan die bestandigen Lutheraner (:wie mans Nennet:) Nicht in einer quatember ire gueter verkhauffen, sollen sie dem khaiser haimfallen. Item. Ist Erzherzog Maximilian in Steier, welcher den Jesuitern Nicht sonderlich g(nedig) war, gestorben. Item. Ist erzherzog Ferdinanden Ehgemahel Bauarica gestorben zu Grätz, auch Herzog Ferdinand ietz Im Mertzen vnd April sehr khrankh. Item. Ist die Spanische Pottschafft zu Prag ankhomen, die will im Namen ires Khonigß, daß der Khaiser dem Herzog Ferdinand zu Gratz soll das Gubernament vber Oesterreich, Vngern, Mährern vnd Behem vbergeben (:sie zu verfolgen:) vnd Ir khays(erliche) M(aies)t(ä)t sollen sich allein alß ein Khaiser des Romischen Reichs
