Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
Khaiser herauß gebracht, soll er (61 r ) dem Khaiser darfur geben 100 oxen, 200 vaß wein, 50000 Tausendt gulden Jarlich. Diß Jahr ist Ertzherzog Leopoldus Bischoff zu Passau, auß dem Bistum Straßburg mit seinen khriegßvolkh herauß getriben worden. Item er, da er anstad des Khayser herzogthumb Jülich vnd Cleue einnemen vnd possedirn wollen, auch den Fürsten von Brandenburg vnd fürsten von Neupurg herauß geschlagen worden. Diß Jahr sein seltzame Spanische Practica angestellt worden, aber kheins fortgangen. Diß Jahr ist Curfürst Fridrich der 3. zu Haidelberg gestorben vnd sein Schwager Printz zu Oranien Mauritius als gerhab sich eingestelt. Jetzt verwallt die Cur der fürst zu Neupurg. (61 v-62 v ) Diß Jahr hat ein Brandenburgischer Fürst des khaisers Cantzler zu Prag erstochen, daß er die brieff Ihm verhallten hat. Diß Jahr ist Hainrich der Tritt khonig in Frankreich von einem Jesuitischen Mann mit einen Messer erstochen worden vnd der vbelthater grausam gemarttert vnd getötet, vnd seine aschen in die lufft zerstraet worden, vnd baide religionen frei in Frankreich gelassen. Diß Jahr ist der Vralte Stadtturm alhie zu Öedenburg schön renovirt worden, vnd die Namen des Burgermaisters, Richters vnd aller Ratsherren in den Obersten vergultén khnopf verzaichneter hinein gelegt worden, Welche Hern diß Jahrs regiert haben. Diß Jahr ist die Bibel bei S. Gergen gar durch die h(errn) prediger alls H(errn) Stephanum Fuchßjager vnd H(errn) Jacoben Egerer der gmain außgelesen worden, welche Anno 1606. angefangen worden. Gott sey Ewig lob. (63 r ) Diß Jahr ist dem Sau Viech die khlauen alle abgangen, allso daß sie schir auff den Khnien mußten herein gehn. Auch ist das halßweh sehr vndter dem Volkh alhie herumb gangen. Diß Jahr ist ein Feur in H(errn) Wolff Artners Hauß in der Gergen gaßen außgangen, welches seine Dirn gelegt, damit sy des H(err)n Artners gellt bekhomen möchte, die Dirn ist < khe > Knöpft vnd verbrent worden irer that halber. Aber das <v> Feur biß auff S. Gergen khirchen alle heuser verbrennt. Diß Jahr hat <der> ein erschreklicher Schaur fast alle weingartten bei dem See alhie erschlagen, vnd da einer zuvor eine Emer gebaut, hat er diß Jahr khaum zwo Pint bekhomen, aber sehr guet vnd starkh. Diß Jahr haben <von > den Fürsten in Sibenbürgen Gabrieli Bathori (63 v —64 v ) einen sehr starckhen großen man von Person, seine aigne Herrn vnd Rath wollen heimlich vmbbringen, aber es ihm auch haimlich khundt gethan worden, welche Rath
