Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
Wie man nun mit dem Némethi Gergl vnd den Vngern einen khleinen friden (:wie manß damalß Nennete:) anstellet, kham (4T V —43 v ) der Bischoff Pete Marton mit vil gellt vnd sein schätz in die Stadt vnd mit Etlichen dienern vnd rossen, Spricht zu Im H(err) Bürgermaister Matthias Cramer, er solle bei vnß verbleiben vnd die Satdt schützen helffen, darauff sagt der Bischoff, Ja wan Ich wußte, daß der khayser euch genueg hilff zuegeschikhte, wollte Ich gerne da bleiben. Spricht zu Ihm H(err) Bürgermaister, Ist doch Ewer gnaden vnser khonig, iezund solle derhalben billich die Stadt schüzen, aber er hatte khein ohr darzue. Daß aber H(err) Matthias Cramer diß zu Ihn gesagt hat, khumbt daher, dan er hatt sich gerümet vor Vnser, er wäre Jetzt vnser khonig, weil er Locumtenens worden war: Daher dan der Bischoff Stephanus Suchai zu Preßburg zum Marx Fauthen auff Lateinisch gesagt hat, wan er Suchai der Rodolphus Imperator wäre, wollte er einen solichen khonig wol buzen vnd khrönen. Wie sich nun diser Pethe Marton von Öedenburg weckhmachte sich vnd (44 r ) seine etlich Tausendt ducaten zu Salvirn etwa in die Steirmarkh, da er ein herschafft gekhaufft hat, khombt er bei Stein am Anger dem feind in die hand, darzue sich auch etliche seine diener vndt suppenhundt geschlagen haben, die berauben Ihn alles seines gellts, allso daß er khaum mit dem leben auff Stein am Anger entwichen vnd ballt darnach nuer mit 4 roß auff Öedenburg vnd auff Wien verraiset ist, vnd nicht lang hernach, waiß nicht, wie vnd wohin, gefahren ist, allso hats auch da gehaissen: erschundenes gellt wirtt zersträet in die wellt, pfaffen guet raffen guet etc. Vmb dieselbe Zeit ist auch der fürtrefflich man Ludovicus Uylaky bischoff zu Weßprin, etlicher sprachen khündig, ein gueter khriegeßman, da er <den> die Nemetischen zu gast geladen in seinen schloß Kimesch, von seinen aignen dienern, (44 v —45 v ) welche Botschkaisch damals sein worden, gekhopft, vnd der khopf furs schloß herauß gestekht worden, 22 Nuer das er diß geredet, es sein schwär, wider einen ordentlichen khonig auffzustehn. Nicht lang nach disen kham der feind wider auff Öedenburg, legerte sich bei S. Michaels khirchen, bei der Sießhütten vnd den angerern, brach in die Michels khirchen ein, Zerhauet darinnen die Götzen <der> des grossen altars vnd andere Altar, Namb hinwekh alle Pfeiffen auß der schonen orgel, auch den hungertuech da alle Biblische Historien darinnen gemahlt stunden, Zerbrach die fanen etc. Da fasseten Ihnen etliche der Muscatirer vnd vnsers volkhs ein herz, Vnd zogen ir bei 150 auß der 22 Újlaki Lajos, Bischof von Veszprém, Obergespann des Komitats Veszprém zwischen 1603 und 1605. Vgl. Fallenbüchl, Zoltán: Die Obergespane Ungarns 1526—1848, Bp. 1994. 108. Er wurde nicht in Gimes, sondern in Sümeg getötet.
